Вы тут

Якія жанчыны падабаюцца абсалютна ўсім мужчынам? Адказвае псіхолаг


Выбар жанчыны, вядома ж, справа густу. І ва ўсіх мужчын абсалютна розныя перавагі. Мужчынскае каханне кардынальна адрозніваецца ад жаночага. Яно заснавана на інтымнай блізкасці і павазе. Многія ж жанчыны сапраўды лічаць, што знешнасць з’яўляецца вырашальнай у прыцягненні мужчынскай увагі і яны гатовыя марнаваць вялікія сродкі і шмат сіл, падтрымліваючы прывабную знешнасць. Справа ў тым, што прыродай у мужчын закладзена звяртаць увагу на жаночую знешнасць. Гэта абсалютна нармальная і здаровая рэакцыя. Але дакладна і тое, што ўтрымаць мужчыну сваёй прыгожай знешнасцю не атрымаецца. Бо ёсць і іншыя значныя рэчы, на якія мужчыны зважаюць і якія правакуюць іх быць клапатлівымі. Дык якая яна — ідэальная каханая жанчына? Вось некалькі галоўных жаночых якасцяў, якія шануюць большасць мужчын і жадаюць іх бачыць у сваёй выбранніцы.


Незалежная асоба. Жанчына з’яўляецца асобай, калі захоўвае незалежнасць у сваіх поглядах і планах, самастойная ў прыняцці рашэнняў. Жанчына, якая не прыкідваецца, не баіцца быць сабой, паспяховая і ганарыцца сваімі дасягненнямі, прыцягвае як магніт. У яе ёсць сваё меркаванне, і яна не саромеецца яго выказваць у любой сітуацыі. Бо наяўнасць уласнай пазіцыі заўсёды інтрыгуе. Яна ні пры якіх абставінах не дазволіць абыходзіцца з сабой як з рэччу. Яна не зручная — яна каханая. Такой жанчыне няма неабходнасці падладжвацца пад іншых, бо ў яе адсутнічае запатрабаванне ў чужой ухвале і адзнацы, яна ўжо даўно аб сабе ўсё ведае. Перш за ўсё яна паважае сябе і свае пачуцці. У такой жанчыны свае правілы, свой кодэкс гонару ў зносінах. Яе жаданні — на першым месцы. Такая жанчына, як правіла, задаволеная сабой і сваім жыццём.

Не варта падладжвацца пад прынцыпы свайго партнёра, так вы ствараеце ўражанне сумнай, зручнай і нецікавай.

Інтэлект. Інтэлектуалкі сапраўды прыцягваюць мужчын. Але і тут несумненна існуе многа стэрэатыпаў. Разумная жанчына знаходзіцца ў пастаянным развіцці, яна адчувае вялікае жаданне да ведаў. Мужчына разумее, што з такой жанчынай заўсёды будзе цікава, з ёй ёсць пра што пагаварыць, нават калі інтарэсы абсалютна не супадаюць. Апроч знешняй прывабнасці і жаноцкасці ён выяўляе ў сваёй партнёрцы класнага суразмоўцы і развітую асобу, што вельмі каштоўна. І гэта з’яўляецца дадатковым стымулам, каб таксама быць цікавым для вас. Да таго ж у адносінах для мужчыны вялікае значэнне мае падтрымка каханай і магчымасць атрымаць параду ў цяжкай сітуацыі. Таму ў барацьбе за прывабнасць не варта забывацца і пра інтэлектуальнае развіццё. Памятайце, галоўнае — не быць разумнейшай за свайго выбранніка.

Ініцыятыва. Мужчынам падабаюцца жанчыны, якія не баяцца праяўляць ініцыятыву. Вядома, нахабства і дакучлівасць не любіць ніхто! Гаворка ідзе аб дзяўчынах, якім падабаецца браць на сябе адказнасць і далікатна паказваць сваю зацікаўленасць. Жаночая ініцыятыва павінна быць у тым, каб падвесці мужчыну да такога стану, калі ён сам захоча праяўляць актыўнасць. Паспрабуйце выклікаць цікавасць да сябе, звярнуць на сябе ўвагу, справакаваць знаёмства. Пакажыце мужчыне, што ён вам неабыякавы, але ўсё гэта павінна быць далікатна. Усё, што трэба — гэта лёгкая ўсмешка, просьба аб дапамозе або своечасова сказаны камплімент.

Знаходзячыся ў пастаянным развіцці, вы будзеце пражываць уласнае жыццё, а не жыццё свайго мужчыны.

Яна сочыць за сабой. Вядома, што ні кажы, знешняя прыгажосць мае вялікае значэнне. І гэта першае, што вабіць і зацікаўлівае. Менавіта знешнасць жанчыны пакарае мужчын. А вось сціпласць, працавітасць і прыстойнасць, безумоўна, важныя, але яны не так уражаюць прынамсі на першым этапе знаёмства. Мужчынам важна прыгажосць і дагледжанасць жанчыны. Знешнасць павінна захапляць. Але, як жа быць, напрыклад, крыху паўнаватым жанчынам, якія далёкія ад агульнапрызнаных ідэалаў? Насамрэч прывабнасць жанчыны ад прыроды — гэта 50 % поспеху, астатнія 50 % — гэта яе праца над сабой. Нават калі прырода не ўзнагародзіла ідэальнымі прапорцыямі, жанчына проста абавязаная выглядаць дагледжана, стыльна і ахайна. Мужчыны мяркуюць: калі жанчына клапоціцца аб сабе, значыць, яна будзе клапаціцца аб сям’і і аб доме. Жанчыну мужчына ўспрымае цалкам, яны не памятаюць дэталі. Вобраз, які ўспрымаюць мужчыны, уваходзіць усё — фігура, адзенне, валасы, пах, выраз твару, манера паводзінаў.

Аптымізм прыцягвае. Радасная і задаволеная жанчына — гэта магніт для мужчын. Такая жанчына атрымлівае прыемнасць ад сябе і ад таго, што з ёй адбываецца. Яна задаволена сваім жыццём, жыве ў згодзе з сабой. І, адпаведна, выклікае захапленне навакольных. З такой жанчынай лёгка ва ўсім: у размове, у справе, у побыце. Мужчыны лёгка счытваюць унутраны стан жанчыны. Жанчына, якая нервуецца з-за дробязяў і заўсёды жаліцца, адназначна не прыўносіць у жыццё мужчыны ні супакою, ні задавальнення. Ніхто не забараняе часам паплакацца і распавесці пра свае праблемы, але нельга рабіць гэта рэгулярна. З гэтага могуць пачацца сур’ёзныя сваркі, якія перарастаюць у канфлікты інтарэсаў і жаданне выйсці з адносін. Жаночы стан мужчына заўсёды праецыруе на сябе. Бо калі жанчына ўвесь час незадаволеная, мужчыне здаецца: «Я нейкі не такі, праблема ўва мяне, я не магу зрабіць яе шчаслівай».

У адносінах усё проста: калі ты шчаслівы, значыць, ты зрабіў правільны выбар!

Уменне дараваць. Няўменне прызнацца ў сваіх памылках ўласціва большасці прадстаўнікоў моцнага полу, таму што на падсвядомым узроўні ім здаецца, што ад гэтага іх будуць менш кахаць. Большасць з іх чамусьці лічаць, што папрасіць прабачэння — значыць, праявіць слабасць. А мужчыны заўсёды жадаюць быць у вачах сваёй жанчыны пераможцамі. І будуць удзячныя той, якая зробіць выгляд, што нават не заўважыла яго промахаў. Ну, што зробіш, — такія яны. А жаночая крытыка здольная зменшыць яго аўтарытэт як ва ўласных вачах, так і ў вачах навакольных. Многім мужчынам гэта здаецца недазваляльным. Мужчыны баяцца пачуць гэтую фразу: «Ну, я ж казала...» Гэта яшчэ адна прычына, з якой яны не спяшаюцца прызнаваць сваю няправасць. «Адзін раз прызнаеш, потым усё жыццё будуць папракаць», — здаецца ім. Таму да апошняга адстойваюць сваё меркаванне. А шмат хто проста не здольны сказаць: «Я вінаваты. Прабач мяне».

Жаночая энергія. Так, безумоўна, прыцягвае мужчын знешнасць, інтрыгуе інтэлект, але ўтрымлівае мужчыну толькі ваш унутраны стан! Знаходзячыся побач з жанчынай, мужчыны неўсвядомлена яго счытваюць. Яны цягнуцца да напоўненай энергіяй партнёркі, адчуваючы яе харызму і ўпэўненасць у сабе. Гэта зараджае яго на новыя здзяйсненні ў дачыненні да абранай жанчыны. Памятайце, калі ў кантакце з вамі ён адчувае сябе моцным, упэўненым, мужным, неабходным, — ён ваш. Калі ваша жаноцкасць не развіта, то мужчына будзе адчуваць дыскамфорт. Не бойцеся аддаць адказнасць у мужчынскія рукі. Дайце яму магчымасць быць мужчынам, праяўляць сябе па-мужчынску. Не варта трансляваць якасці, якія ўласцівыя мужчыне, — дасягаць, заваёўваць. Кожны павінен выконваць сваю функцыю ў адносінах. Поспех жанчыны ў адносінах з мужчынамі на 60 працэнтаў залежыць ад яе ўнутранага стану. Усё гэта вылучыць вас з навакольных і прымусіць думаць пра вас часцей. Абудзіце ў ім інстынкт паляўнічага, а далей ён усё зробіць сам, вядома, калі вы тая жанчына, якая яму патрэбна. 

Як бы там не было, але ў глыбіні душы кожная жанчына хоча прыцягваць мужчын да сябе. Жадаеце падабаецца мужчынам — клапаціцеся аб сабе, сваёй прыгажосці і сваім стане! Калі жанчына ўдасканальваецца ў тых галінах, у якіх атрымлівае задавальненне, яна прымнажае і сваю жаноцкасць, і прывабнасць. Каб усвядоміць сваю каштоўнасць, трэба займацца сабой, а не растварацца ў партнёры. Не растрачвайце свае сілы дарма. Калі вы будзеце развівацца і ўкладваць у сябе ўсё самае лепшае, то ваш саюз будзе трымацца на павазе, вернасці і каханні доўгія гады. Як бы там ні было, для таго, каб падабацца мужчынам, першым чынам важна быць самой сабой. Толькі так можна сустрэць чалавека, які пакахае не выдуманы ідэал з часопісаў, а рэальную цябе.

Псіхолаг Алена ШАЎЧЭНКА

Фота: pexels.com

Выбар рэдакцыі

Эканоміка

Калі крэдыт патрэбен як паветра. У гэтым пытанні шмат падводных камянёў

Калі крэдыт патрэбен як паветра. У гэтым пытанні шмат падводных камянёў

Зрабіць тэрміновы рамонт, купіць добры халадзільнік замест старога, набыць новую мэблю — планы, знаёмыя многім.

Культура

Уладзімір Мазго: «Маладзечанскі фестываль натхніў мяне на стварэнне новых песень»

Уладзімір Мазго: «Маладзечанскі фестываль натхніў мяне на стварэнне новых песень»

Калі проза — невычэрпная велічная рака, то паэзія — бурлівы неўтаймоўны вадаспад з безліччу гуллівых пырскаў-эмоцый.

Грамадства

Ніна Іванова: «Менавіта грамадства павінна рабіць крокі насустрач»

Ніна Іванова: «Менавіта грамадства павінна рабіць крокі насустрач»

Беларускае таварыства дружбы і культурнай сувязі амаль стагоддзе займаецца папулярызацыяй духоўных і культурных здабыткаў.