Беларуская вакцына стымулюе выпрацоўку антыцелаў супраць COVID-19 на ўзроўні не ніжэйшым за сусветныя аналагі. Аб гэтым заявіў у інтэрв’ю БелТА старшыня Прэзідыума Нацыянальнай акадэміі навук Беларусі Уладзімір Гусакоў.
«Прататып беларускай вакцыны супраць каранавіруснай інфекцыі ўжо гатовы. Ён праходзіць этапы лабараторных даследаванняў і папярэднія даклінічныя выпрабаванні на дробных жывёлах. Устаноўлена, што вакцына бяспечная, добра пераносіцца і не выклікае пабочных з’яў. Адзначу, што выкарыстанне беларускай вакцыны стымулюе выпрацоўку антыцелаў супраць віруса CoV-2 на ўзроўні не ніжэйшы за сусветныя аналагі», — сказаў Уладзімір Гусакоў.
У 2022 годзе на чарзе глыбокія даклінічныя выпрабаванні, якія будуць выконвацца пасля выпуску доследна-прамысловай партыі.
«Пасля завяршэння даклінічных выпрабаванняў пяройдзем на клінічныя даследаванні. Іх мэтай стане ўсебаковая ацэнка бяспекі і эфектыўнасці, так званы гумаральны і клеткавы імунны адказ. Затым вакцына паступіць у свабоднае абарачэнне», — адзначыў старшыня Прэзідыума НАН.
«З улікам таго, што з’яўляюцца ўсё новыя штамы віруса, вакцына будзе адаптавана да тых з іх, якія будуць цыркуляваць на момант яе вытворчасці. Тэхналогія вытворчасці дае магчымасць аператыўна ўлічваць усе змяненні і мутацыі і пастаянна актуалізаваць склад вакцыны, каб яе эфектыўнасць была максімальнай», — звярнуў увагу Уладзімір Гусакоў.
Вакцына распрацоўваецца спецыяльнай групай вядучых вучоных у галіне вірусалогіі, імуналогіі, генетыкі і клетачнай інжынерыі. Распрацоўка выконваецца сумесна РНПЦ эпідэміялогіі і мікрабіялогіі Міністэрства аховы здароўя і Інстытутам біяфізікі і клетачнай інжынерыі НАН Беларусі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
