Вы тут

Жыхар Брэста знайшоў аўтамабіль з ключамі і паехаў у кавярню


Каля трох гадзін ночы ўвагу нарада міліцыі Ганцавіцкага РАУС прыцягнуў мужчына, які выйшаў з аўтамабіля «Форд-Эскорт» і, хістаючыся, накіраваўся ў бок кавярні. У ходзе размовы з праваахоўнікамі высветлілася, што грамадзянін, будучы ў стане алкагольнага апянення, сеў за руль чужога транспартнага сродку.


Фота: УУС Брэсцкага аблвыканкама

Супрацоўнікі крымінальнага вышуку высветлілі, што напярэдадні жыхар Брэста разам са сваёй дзяўчынай прыехаў у вёску Люсіна. У той вечар пара адпачывала сярод знаёмых, кампанія распівала спіртное.

Каля гадзіны ночы госць з абласнога цэнтра вырашыў прагуляцца па вёсцы. Калі мужчына праходзіў міма прыпаркаванай іншамаркі, яму прыйшла ідэя пагрэцца ў салоне аўто. Як паведамляе УУС аблвыканкама, у тую ноч жыхару Брэста ўсміхнулася ўдача: транспартны сродак быў не зачынены, і, больш за тое, у замку запальвання знаходзіліся ключы.

Далей мужчына завёў рухавік і паехаў у Ганцавічы. Свой шлях ён трымаў ва ўстанову грамадскага харчавання. З «начной місіяй» ён справіўся, але вось застацца незаўважаным, роўна як і схаваць супрацьпраўны ўчынак, не ўдалося.

Раней хлопец ужо трапляў у поле зроку праваахоўнікаў за хуліганства.

Следчымі дадзена прававая ацэнка дзеянням фігуранта. За крадзеж транспартнага сродку яму пагражае пакаранне аж да трох гадоў пазбаўлення волі.

Сяргей РАСОЛЬКА

Выбар рэдакцыі

Адукацыя

Як рыхтуе інжынераў заўтрашняга дня галоўны тэхнічны ўніверсітэт краіны

Як рыхтуе інжынераў заўтрашняга дня галоўны тэхнічны ўніверсітэт краіны

У Беларусі сёння няма ніводнага прадпрыемства, дзе б ні працавалі выпускнікі БНТУ.

Эканоміка

Эксперты: Беларускі рубель будзе мацнець, а эканоміка — расці

Эксперты: Беларускі рубель будзе мацнець, а эканоміка — расці

Выконваючы праграму па імпартазамяшчэнні, зараз можна зарабіць сапраўды вялікія грошы.

Грамадства

У памяці народнай. У Баранавічах адкрылі мемарыял Героям Беларусі Андрэю Нічыпорчыку і Мікіце Куканенку

У памяці народнай. У Баранавічах адкрылі мемарыял Героям Беларусі Андрэю Нічыпорчыку і Мікіце Куканенку

У Баранавічах адкрылі мемарыял Героям Беларусі Андрэю Нічыпорчыку і Мікіце Куканенку.

Грамадства

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Паведаміла Людміла Аляксееўна, якая загадвае фельчарска-акушэрскім пунктам і з'яўляецца фельчарам, акушэркай, медсястрой у адной асобе.