Вы тут

У Віцебску маладая мама пазбавілася больш за 10 тысяч рублёў пасля стасункаў з ашуканцамі ў інтэрнеце


На адной з гандлёвых пляцовак маладая маці размясціла аб’яву аб продажы дзіцячых рэчаў. Ад абанента, падпісанага жаночым імем, з беларускага нумара на месенджар ёй паступіла паведамленне аб жаданні набыць тавар з выкарыстаннем сэрвісу дастаўкі. Жыхарка горада пагадзілася.


Як паведамляе аддзяленне інфармацыі і грамадскіх сувязяў УУС Віцебскага аблвыканкама, для афармлення здзелкі лжэпакупніца даслала ёй фішынгавую спасылку для атрымання перадаплаты. Перайшоўшы па ёй, маладая мама запоўніла патрэбныя ашуканцам даныя. І нават паведаміла ім ідэнтыфікацыйны нумар пашпарта. Паралельна жанчына ўводзіла коды з смс-паведамленняў, якія прыходзілі на тэлефон.

Завалодаўшы ўсёй неабходнай інфармацыяй, злачынец увайшоў у інтэрнэт-банкінг пацярпелай, змяніў логін і пароль у асабістым кабінеце і здзейсніў крадзеж больш за 10 тысяч рублёў.

Такую ж схему падману пракруцілі ашуканцы і ў адносінах да працаўніка адной з фірмаў па распрацоўцы праграмнага забеспячэння. Яго зламыснікі пакінулі без 6 тысяч рублёў.

Сяргей РАСОЛЬКА

Прэв’ю: pixabay.com

Выбар рэдакцыі

Грамадства

Рызыкі лічбавай прасторы. Як не трапіць на вуду інтэрнэт-махляроў

Рызыкі лічбавай прасторы. Як не трапіць на вуду інтэрнэт-махляроў

Цалкам вырашыць праблему кібернебяспекі немагчыма.