Вы тут

Археолагі аднавілі старажытны саркафаг з таямнічай грабніцы Нара


У Японіі археолагі выкарыстоўвалі камп’ютарную графіку для аднаўлення вонкавага выгляду саркафага, які быў знойдзены пашкоджаным у таямнічай старажытнай магільні Нара, паведамляе The Asahi Shimbun, перадае МИР24.


Гаворка ідзе аб даследаванні старажытнага магільнага склепа, які быў знойдзены пры раскопках кургана Такамацузука ў прэфектуры Нара. Навукоўцы лічаць, што магільню ўзвялі паміж канцом VII і пачаткам VIII стагоддзя нашай эры.

Пахавальня была раскошнай. Фрэскі «прыгажуні Асука», якія ўпрыгожваюць яе прызнаныя нацыянальным здабыткам. Таксама ў пахавальнай камеры знойдзены саркафаг, значна пашкоджаны часам. Камп’ютарная графіка дапамагла спецыялістам аднавіць яго знешні выгляд. Для гэтага былі выкарыстаны ўсе звесткі, якія ўдалося атрымаць пры вывучэнні рэшткаў саркафага ў лабараторных умовах.

Група даследчыкаў з Археалагічнага інстытута Касіхары і Нацыянальнага навукова-даследчага інстытута культурных каштоўнасцей Нара ўстанавіла, што саркафаг выраблены з кедра і пакрыты чорным лакам. Ён быў упрыгожаны ўзорамі з медна-залатога сплаву і меднай фурнітурай. Памеры труны — 199,5 на 58 сантыметраў. Унутры саркафаг быў афарбаваны чырвонай фарбай, якая ўтрымоўвала ртуць.

Пакуль застаецца загадкай, для каго была пабудавана грабніца, але эксперты не сумняваюцца, што гэта быў чалавек вельмі высокага рангу. Сам магільны склеп раскапалі ў 1972 годзе.

Прэв’ю: pexels.com

Выбар рэдакцыі

Грамадства

4 простыя спосабы зрабіць добрае ўражанне на мужчыну. Адказвае псіхолаг

4 простыя спосабы зрабіць добрае ўражанне на мужчыну. Адказвае псіхолаг

Дзе б вы ні працавалі і чым бы ні займаліся, уменне мець зносіны і зрабіць добрае ўражанне – адзін з самых галоўных навыкаў.

Культура

Аб гумары і сатыры ў жыцці Купалы і Коласа распавядае сумесны музейны праект

Аб гумары і сатыры ў жыцці Купалы і Коласа распавядае сумесны музейны праект

Сёлета адзначаецца 140-годдзе з дня нараджэння класікаў.

Грамадства

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Гаджэт для фельчара. Як працуюць ФАП і амбулаторыя ў самым аддаленым сельсавеце Пружанскага раёна

Паведаміла Людміла Аляксееўна, якая загадвае фельчарска-акушэрскім пунктам і з'яўляецца фельчарам, акушэркай, медсястрой у адной асобе.