Вялікабрытанія і Еўрасаюз сумесна распрацоўваюць буйны блок санкцый у дачыненні да Расіі на выпадак яе нібы магчымага ўварвання ва Украіну. Як паведаміла газета Financial Times, мішэнямі новых рэстрыкцыяў заходніх краін могуць стаць будучыя праекты ў расійскай газавай галіне, перадае ТАСС.
Адзначаецца, што Лондан і Брусель, якія абмяркоўваюць пры ўдзеле ЗША чарговыя антырасійскія меры, гатовы ўвесці абмежаванні на перадачу тэхналогій кампаніям з РФ, занятым у сферы здабычы блакітнага паліва. Акрамя таго, санкцыі могуць быць распаўсюджаны на будучыя праекты з удзелам брытанскіх і еўрапейскіх карпарацый, якія цяпер актыўна супрацоўнічаюць з расійскімі партнёрамі ў рамках сумесных прадпрыемстваў па распрацоўцы газавых радовішчаў.
Выданне мяркуе, што падобныя стрыкцыі істотна адаб’юцца на дзейнасці ў РФ замежных нафтагазавых кампаній, у тым ліку французскай Total, брытанскіх Shell і BP, якія накіроўваюць значны аб’ём інвестыцый у расійскую газавую галіну. На думку аўтараў публікацыі, каардынацыя намаганняў Лондана і Бруселя ў галіне санкцый з’яўляецца сігналам аб тым, што абодва бакі гатовы «узаемадзейнічаць па пытаннях знешняй палітыкі і бяспекі», нягледзячы на выхад каралеўства са складу ЕС.
Прэв’ю: pexels.com
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
