Вы тут

Барысаўчанін вёў перапіску на сайце знаёмстваў ад імя былой каханай — заведзена крымінальная справа


З заявай у міліцыю звярнулася 28-гадовая жыхарка Смалявіч. Яна паведаміла, што яе былы малады чалавек ажыццяўляе несанкцыянаваны доступ да яе акаўнта ў сацыяльнай сетцы, электроннай пошты і сайта знаёмстваў.


Дзяўчына расказала, што раней яны пражывалі разам, і яна неаднаразова заходзіла з яго тэлефона ў свой уліковы запіс. Пасля расстання мужчына вырашыў скарыстацца гэтым і нашкодзіць былой каханай, паведамляе УУС Мінскага аблвыканкама.

Праваахоўнікі ўстанавілі, што 32-гадовы барысаўчанін з выкарыстаннем свайго мабільнага тэлефона зайшоў у акаўнт у сацыяльнай сетцы і выдаліў усе відэа і падпіскі дзяўчыны. Даведаўшыся, што дзяўчына зарэгістраваная на сайце знаёмстваў, аўтарызаваўся ў яе профілі і вёў перапіску з яе старонкі, прапануючы паслугі інтымнага характару за грашовую ўзнагароду. Пры спробах заяўніцы выдаліць акаўнт падазраваны зноў яго аднаўляў і працягваў перапіску.

У адносінах да падазраванага следчымі распачата крымінальная справа за несанкцыянаваны доступ да камп’ютарнай інфармацыі.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».