Крымскія майстрыхі Ніна Барысюк і Людміла Цімашчук з Краснаперакопска ўшанаваны граматамі ды рыхтуюцца да новых выстаў
На пачатку года майстрыхі ўшанаваны граматамі суполкі, у якой актыўна працуюць: Крымскай рэспубліканскай культурна-асветніцкай грамадскай арганізацыі “Беларускі Крыма” імя Еўфрасінні Полацкай. Мы адзначылі сябровак за іх плённую творчую працу, за зберажэнне і папулярызацыю беларускай культуры ў Крыме.
Адметныя пано і цэлыя мастацкія карціны з выкарыстаннем саломкі робіць Ніна Барысюк. Пра творчасць Людмілы Цімашчук (стварае прыгожыя габелены), яе родавыя карані з Вілейшчыны мы пісалі трохі летась: “«Крымка» помніць пра Журыхі” – ГР, 25.03.2021). Абедзве майстрыхі ўжо рыхтуюцца да выставы, якая пройдзе на фестывалі беларускай культуры “Пад заступніцтвам Еўфрасінні Полацкай”. Плануем правесці фэст у Еўпаторыі 5 чэрвеня (у дзень памяці святой, ладзіць яго суполка будзе ў другі раз). Работы Ніны Барысюк – найлепшыя з больш чым 80 – прадставім у выставачнай зале Культурна-этнаграфічнага цэнтра “Текие дервишей” у Еўпаторыі. А габелены Людмілы Цімашчук размесцім у Зале Дружбы еўпатарыйскай Бібліятэкі імя Лесі Украінкі.
Адзначу, што 2022-гі ў Расіі аб’яўлены Годам народнага мастацтва і нематэрыяльнай культурнай спадчыны народаў Расіі. То я ўпэўнена, што і да творчасці нашых землякоў-супляменнікаў будзе ў краіне яшчэ большы інтарэс. А пра таленавітую крымскую беларуску Ніну Барысюк, яе родавыя карані (са Слонімскага раёна Гродзеншчыны) плануем расказаць асобна.
Дзіна Шаўчэнка, кіраўніца суполкі “Беларускі Крыма” імя Еўфрасінні Полацкай, г. Еўпаторыя
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».