Сёння, 17 лютага, а 17-й гадзіне ў кнігарні «Акадэмкніга» у Мінску па праспекту Незалежнасці, 72 пройдзе прэзентацыя кнігі вядомага культуролага Алеся Сушы «Беларускі Буквар у нацыянальнай і сусветнай прасторы».
Кніга пабачыла свет у выдавецтве «Беларуская Энцыклапедыя імя Петруся Броўкі» некаторы час назад — у серыі «Энцыклапедыя рарытэтаў». Выданне дасведчанага знаўцы айчыннай культуры прысвечана гісторыі Буквара на беларускіх землях. Буквар — гэта не толькі першая кніга для навучання грамаце, але і выхавальнік вышэйшых агульначалвечых каштоўнасцей, прадаўжальнік шматвяковых адукацыйных традыцый. Праз яго юнае пакаленне атрымлівае асноўныя веды аб сваёй Бацькаўшчыне, сваім народзе і яго культуры. Гісторыя беларускага Буквара налічвае больш за чатыры стагоддзі. Ён аказаў уплыў на з’яўленне Буквароў у многіх краінах свету і пакінуў свой след у сусветнай букварыстыцы і кніжнай культуры. У наш час беларускія Буквары зберагаюцца ў многіх краінах свету — у кніжных і музейных зборах Расіі, Украіны, Аўстрыі, Германіі, Даніі, Швецыі, Польшчы, Літвы, Латвіі, Вялікабрытаніі, Італіі, Францыі, Славеніі, Чэхіі, ЗША.
У межах прэзентацыі ў «Акадэмкнізе» будзе магчымасць не толькі сустрэцца з аўтарам, задаць яму пытанні, але і атрымаць аўтографы Алеся Сушы на кнізе «Беларускі Буквар у нацыянальнай і сусветнай прасторы».
Сяргей ШЫЧКО
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
