Вы тут

У Мінску прайшоў фінал праекта «У рэжыме праўды»


У Мінску адбыўся фінал асветніцкага праекту «У рэжыме праўды». Рэспубліканскі праект «У рэжыме праўды» праходзіць напярэдадні рэспубліканскага рэферэндуму па ўнясенні змяненняў і дапаўненняў у Канстытуцыю, яго мэта — разбурэнне фэйкаў і негатыўных стэрэатыпаў, створаных вакол Беларусі. У час серыі публічных выступленняў у розных рэгіёнах краіны працавала група прафесійных экспертаў. Сярод спікераў — яркія палітыкі, публіцысты і грамадскія дзеячы, у тым ліку члены Канстытуцыйнай камісіі. Пры гэтым выкарыстоўваліся новыя формы і метады працы з аўдыторыяй. Фінальная акцыя прайшла ў Палацы спорту ў Мінску.


Напярэдадні правядзення фіналу намеснік кіраўніка Адміністрацыі Прэзідэнта Ігар ЛУЦКІ адзначыў:

— Мы прадставім нашы аўтарскія тэлевізійныя праекты. Мы назвалі гэтую сустрэчу «Прамы кантакт». І якраз нашыя журналісты, нашыя аўтары выйдуць на прамы кантакт з аўдыторыяй. Можна будзе пагутарыць, выказаць свой пункт гледжання. Спадзяюся, будзе цікава і пазнавальна.

Кіраўнік Адміністрацыі Прэзідэнта Ігар СЕРГЕЕНКА, які таксама прысутнічаў на мерапрыемстве, адзначыў: «Я звярнуў увагу, з якой цікавасцю сюды ідуць людзі самых розных пакаленняў. Больш за ўсё маладых людзей, Напэўна, у цяжкія перыяды гісторыі патрыятызм прачынаецца ў лепшых чалавечых якасцях, як гэта было ў гады Вялікай Айчыннай вайны, у пасляваенны перыяд».

Спікеры, звяртаючыся да гледачоў, гаварылі аб неабходнасці ўдзелу ў  рэферэндуме і запрашалі адкрыта адстойваць сваю грамадзянскую пазіцыю. Старшыня праўлення беларускага таварыства «Веды» Вадзім ГІГІН падкрэсліў:

— Мы ўбачылі, як людзі адстойвалі сваі пазіцыі па тых ці іншых артыкулах Канстытуцыі: пагаджаліся, спрачаліся, знаходзілі кампрамісы. Гэта вельмі важна. І зараз, у Палацы спорту, у гэтым гістарычным месцы, мы хочам падзяліцца сваімі поглядамі і данесці іх пры дапамозе сучасных сродкаў масавай інфармацыі і камунікацыі.

Падчас правядзення фіналу праекта спікеры закраналі і іншыя тэмы, якія сёлета актыўна абмяркоўваюцца ў інфармацыйнай прасторы — Год гістарычнай памяці, абвастрэнне сітуацыі на Данбасе, а таксама амаль вырашанае пытанне з бежанцамі. Прагучаў і галоўны прынцып палітыкі сучаснай Беларусі — мы мірная краіна, якая выступае супраць ваенных дзеянняў.

Мерапрыемства ў Палацы спорту складалася не толькі з выступленняў журналістаў і блогераў, але і музычна-танцавальных нумароў. Вядучыя запрашалі гледачоў не саромецца і танцаваць разам. А напрыканцы фіналу «У рэжыме праўды» прагучаў беларускі гімн у выкананні ўсіх удзельнікаў праекта.

Арына КАРПОВІЧ

Фота БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.