Вы тут

Ціхія зоры — для герояў


Тэма вайны і супрацьстаяння ёй заўсёды была і застанецца прасторай для даследаванняў, пошуку натхнення і магчымасцю выказвацца майстрам у розных сферах: ад гісторыі да кіно і літаратуры. Проста кожны зробіць тое па-свойму. Прапануем звярнуць увагу на адзін з такіх фільмаў у эфіры тэлеканала «Беларусь 3».


У суботу нас чакае кінапаказ ваеннай драмы «...А зоры тут ціхія» рэжысёра Станіслава Растоцкага, які выйшаў паўстагоддзя таму, у 1972 годзе. Кінастужка знятая па аднайменным творы Барыса Васільева. Дзеянне адбываецца ў 1942 годзе падчас Вялікай Айчыннай вайны ў далёкіх лясах Карэліі. У тыле раскватэраваны два аддзяленні ўзводу зенітных войскаў. Старшыні Фядоту Васкову даручаюць кіраўніцтва атрадам дзяўчат-дабравольцаў, якія маюць надзею на светлую будучыню. Яны мірна жылі ў лесе, пакуль не даведаліся, што побач з імі сярод балот і лясоў высадзіўся нямецкі дэсант... Як паведаміць пра гэта ў штаб? Маленькі атрад з сямі байцоў, адрэзаны ад сваіх, робіць усё магчымае, каб вырашыць няпростую задачу. Шэсць адважных жанчын і іх камандзір не маглі нават сябе ўявіць, што ім давядзецца дзейнічаць як антыдэверсійнай групе, але галоўнае — спыніць ворага любой цаной...

Варта адзначыць, што фільм быў зняты ў памяць пра медсястру, якая падчас вайны выратавала рэжысёра-франтавіка Станіслава Растоцкага ад смерці, калі вынесла яго з поля бою. І ў 1973 годзе кінастужку нават намінавалі на прэмію «Оскар» у катэгорыі «Найлепшы фільм на замежнай мове».

Алена ДРАПКО

Выбар рэдакцыі

Грамадства

Як не згубіцца ў лесе і што рабіць калі вы заблукалі? Парады МНС

Як не згубіцца ў лесе і што рабіць калі вы заблукалі? Парады МНС

Пажылым людзям лепш хадзіць у ягады і грыбы з дарослымі дзецьмі.

Калейдаскоп

«I гэты чалавек застаўся жыць...» Медыкі ў беларускай літаратуры. Тэст

«I гэты чалавек застаўся жыць...» Медыкі ў беларускай літаратуры. Тэст

Кожную трэцюю нядзелю червеня адзначаецца Дзень медыцынскага работніка.