Спробы дэстабілізаваць абстаноўку на фоне падзей ва Украіне працягваюцца. Праваліўшы план па лжывай мабілізацыі (на днях некаторыя грамадзяне атрымалі ліпавыя павесткі ў армію), фэйкамётчыкі, якія спекулююць на гэтай тэме, паведамілі грамадскасці аб нібыта нанесеных па нашай тэрыторыі ўдарах, а таксама аб удзеле беларускіх вайскоўцаў у ваеннай аперацыі ў суседняй дзяржаве.
Як паведаміў начальнік Генеральнага штаба Узброеных Сіл — першы намеснік міністра абароны Беларусі генерал-маёр Віктар ГУЛЕВІЧ, у цяперашні час у адпаведнасці з задачай, пастаўленай Галоўнакамандуючым Узброенымі Сіламі, пяць батальённых тактычных груп сумесна з органамі пагранічнай службы ажыццяўляюць прыкрыццё паўднёвых граніц нашай дзяржавы з мэтай недапушчэння пранікнення на тэрыторыю Рэспублікі Беларусь з боку Украіны шматлікіх нацыяналістычных узброеных фарміраванняў, нелегальнай дастаўкі зброі, боепрыпасаў і выбуховых рэчываў. «Дадзеныя падраздзяленні выконваюць задачы разведкі, патрулявання, аховы абектаў і абароны на дарожных кірунках, — удакладніў Віктар Гулевіч. — У бліжэйшы час плануецца ажыццявіць іх замену таксама пяццю батальённымі тактычнымі групамі. Падраздзяленні, якія выканаюць свае задачы па прыкрыцці Дзяржаўнай граніцы, вернуцца ў пункты пастаяннай дыслакацыі і прыступяць да планавай паўсядзённай дзейнасці».
— Для дамарослых «ваенных экспертаў» і «канапавых» аналітыкаў хачу падкрэсліць, што перамяшчэнне войскаў ніякім чынам не звязана з падрыхтоўкай, а тым больш удзелам беларускіх ваеннаслужачых у спецыяльнай ваеннай аперацыі на тэрыторыі Украіны, — акцэнтаваў увагу першы намеснік міністра абароны. — Родных і блізкіх магу запэўніць, што нашы Узброеныя Сілы задачы па забеспячэнні ваеннай бяспекі Рэспублікі Беларусь выконваюць толькі на сваёй тэрыторыі.
Як заўважыў памочнік міністра абароны па ідэалагічнай рабоце — начальнік галоўнага ўпраўлення ідэалагічнай работы Міністэрства абароны генерал-маёр Леанід КАСІНСКІ, ствараецца ўстойлівае ўражанне, што ваенна-палітычнае кіраўніцтва Украіны поўнасцю страціла кантроль над абстаноўкай. «Толькі гэтым можна патлумачыць поўную няўзгодненасць у дзеяннях і падачы інфармацыі, — перакананы прадстаўнік абароннага ведамства. — Так, распаўсюджваемыя Украінай фэйкі 11 сакавіка аб быццам бы нанесеных ударах Расійскай Федэрацыяй па населеных пунктах на тэрыторыі Беларусі, а таксама аб фэйкавым наступленні Узброеных Сіл Рэспублікі Беларусь у 21.00 11 сакавіка абраслі новымі падрабязнасцямі. Саветнік кіраўніка офіса прэзідэнта Украіны Аляксей Арэстовіч, каменціруючы падзеі 11 сакавіка, пацвярджаючы інфармацыю ваеннага ведамства Беларусі, заявіў, што ніякіях удараў не было. Разам з тым Мінабароны Украіны па стане на 24.00 11 сакавіка заявіла, што яны былі. Такое становішча спраў сведчыць аб поўнай страце кіравання і ва ўмовах ваенна-палітычнай абстаноўкі, якая складваецца, пагражае сурёзнымі наступствамі ў першую чаргу для простых грамадзян Украіны».
Правакацыйныя і фэйкавыя заявы кіраўніцтва Украіны, па словах Леаніда Касінскага, зяўляюцца ні чым іншым як спробай дэстабілізацыі абстаноўкі або шырмай для прыкрыцця ўласных правакацый з боку ўкраінскіх улад.
Вераніка КАНЮТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
