Максім Танк (1912—1995) — народны паэт Беларусі, перакладчык, грамадскі дзеяч, лаўрэат дзяржаўнай прэміі імя Янкі Купалы, акадэмік АН БCCР. На працягу многіх гадоў абіраўся дэпутатам і старшынёй прэзідыума Вярхоўнага Савета; старшынёй праўлення Саюза пісьменнікаў Беларусі. Імя Максіма Танка прысвоена Беларускаму дзяржаўнаму педагагічнаму ўніверсітэту, Мінскаму педагагічнаму каледжу. Быў ганаровым грамадзянінам горада Мінска.
Максім Танк уваходзіць у лік самых вядомых еўрапейскіх паэтаў, з'яўляецца аўтарам шматлікіх паэтычных зборнікаў, кніг для дзяцей, перакладаў. У 2022 годзе адзначаецца 110-я гадавіна з дня нараджэння паэта.
Вершы — Максім ТАНК, музыка — Яўген КСЯНЕВІЧ
1. Вярба па завадзі рачной
У лугавым зацішшы,
Як я, за шмат вёрст ад цябе,
Лісты камусьці піша.
Прыпеў (2 разы):
Плывуць лісты, плывуць ракой,
Імглой імгліцца раніца.
Як я, адказу і вярба
Ніяк не дачакаецца.
2. Вясною гэтыя лісты —
Яе надзеяй поўныя,
А летам ад стракоз і пчол —
Вясёлыя, стазвонныя.
Прыпеў (1 раз).
Пройгрыш.
3. І толькі восенню глухой,
Калі дажджы наўкола,
Туга фарбуе іх у свой
Пажоўклы, горкі колер.
Прыпеў (2 разы).
Рубрыку вядзе кампазітар Яўген КСЯНЕВІЧ
evgenyksenevіch@gmaіl.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.