Правільнае харчаванне спрыяе развіццю інтэлекту і цэнтральнай нервовай сістэмы ў дзяцей, забяспечвае ўстойлівасць арганізма да неспрыяльных фактараў навакольнага асяроддзя. Аднак на паліцах магазінаў сёння бачым шэраг прадуктаў, якія не тое што трэба абмежаваць, а пажадана ўвогуле выключыць з рацыёну школьнікаў. Зрэшты, не лішнім будзе адмовіцца хоць бы ад часткі з іх і дарослым.
Навукоўцы Інстытута экалагічнай гігіены і харчовай таксікалогіі склалі пералік прадуктаў, найбольш небяспечных для дзіцячага арганізма. Разам з урачом-гігіеністам, загадчыкам аддзела гігіены Мінскага абласнога цэнтра гігіены, эпідэміялогіі і грамадскага здароўя Кацярынай Сухавер разбіраліся, што гэта за прадукты.
У дзясятку трапілі наступныя:
Чыпсы — проста набор тлушчаў, вугляводаў, фарбавальнікаў, узмацняльнікаў смаку і канцэрагенаў. Акрамя таго, чыпсы могуць у разы павялічваць рызыку ўзнікнення раку, правакаваць хваробы сасудаў, анемію, гіпертанію, расстройства стрававання і нават гастрыт (менавіта таму яны не рэкамендуюцца і дарослым).
Салодкія газіроўкі. Таксама выключная шкода. Як правіла, у іх утрымліваюцца кансерванты (аспартам і бензаат натрыю), якія здольныя не толькі змяняць парог адчувальнасці смакавых рэцэптараў, але і выклікаць некантралюемыя выбухі гневу, злосці, дэпрэсіі ці панікі, млявасць, алергічныя рэакцыі, а пры ўжыванні вялікіх колькасцяў прадукту — нават харчовыя атручэнні і парушэнні сардэчнай дзейнасці.
Фаст-фуд. Шаўрма, беляшы, бульба фры, бургеры і іншае хоць і пахне прывабна, але зусім не дзіцячая ежа. Усё гэта смажыцца ў вялікай колькасці алею. Самым лёгкім наступствам ужывання такіх прадуктаў можа стаць харчовае атручэнне ці расстройтсва страўніка, а вось у будучыні такая «дыета» пагражае атлусценнем, прыдуркаватасцю, парушэннем абмену рэчываў, хваробамі нырак і сасудаў.
Вэнджаніна і каўбасы. У сучаснай прадукцыі такога тыпу больш трансгеннай соі, чым мяса, плюс бензапірэн і фенольныя злучэнні, а гэта ўсё тыя ж канцэрагены.
Прадукты з глутаматам натрыю (Е621). Гэтая дабаўка здольная значна змяняць смакавае ўспрыманне, выклікаць галаўныя болі, млявасць, сасудзістыя спазмы і парушэнні абмену рэчываў. Уважліва чытайце склад прадуктаў, якія купляеце дзіцяці, імкніцеся выключаць прадукты харчавання з пазнакай Е621.
Маргарын. Гэта суцэльны трансгенны тлушч. Для малога ён небяспечны і ў чыстым выглядзе, і як складнік гастранамічных вынаходстваў (пірожныя, торты, слоенае цеста, крэмы). Акрамя атлусцення і парушэнняў ліпіднага абмену, імі можна справакаваць развіццё дыябету.
Кава і энергетыкі. Калі дарослы арганізм яшчэ зможа справіцца з такімі напоямі, то дзіцячы — адназначна не. Нервовае знясіленне, бяссонніца, прыступы беспадстаўнага страху, алергічны сып і хваробы нырак — вось што можа выклікаць частае іх ужыванне.
Жавальныя гумкі і жэлейныя цукеркі. Крыніца шматлікіх шкодных фарбавальнікаў, загушчальнікаў, стабілізатараў, кансервантаў і іншай хіміі. Як мінімум, просты шлях да атлусцення, карыесу і частых праблем са страўнікам.
Шакаладныя батончыкі, як вядома, высокакаларыйная «бомба» з масай генна-мадыфікаваных прадуктаў і хімічных дабавак.
Маянэз і кетчуп. Калі ўжо малое не ўяўляе свайго рацыёну без гэтых соусаў, паспрабуйце рабіць іх самастойна з натуральных прадуктаў.
Гэта няпроста, і тут варта прыкласці пэўныя намаганні. Вось некалькі правілаў:
Алена КРАВЕЦ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.