Старшыня Пастаяннай камісіі Савета Рэспублікі па адукацыі, навуцы, культуры і сацыяльным развіцці Віктар Лісковіч падкрэсліў, што сёння тэма патрыятычнага выхавання актуальная як ніколі. Паводле яго слоў, гэта — стратэгічны рэсурс развіцця любога грамадства.
«У культурным кодзе беларусаў закладзена павага да старэйшых. І таму патрыятычнае выхаванне — тэма, якая хвалюе ўсіх грамадзян нашай краіны. Для многіх беларусаў патрыятызм — гэта гонар за гераічнае мінулае, гатоўнасць абараняць Радзіму, усведамленне агульнанацыянальных інтарэсаў як сваіх уласных, імкненне ўключыцца ў практычную дзейнасць у імя працвітання і дабрабыту ўсяго грамадства. Сёння, назіраючы за падзеямі ў многіх краінах, у тым ліку на тэрыторыі некаторых постсавецкіх, мы выразна разумеем, што тэма выхавання патрыятызму актуальная як ніколі. У Беларусі пытанням патрыятычнага выхавання грамадзян удзяляецца вялікая ўвага, праводзіцца шырокі комплекс мерапрыемстваў. У гэтую дзейнасць уключаны розныя структуры і інстытуты — установы адукацыі, дзяржаўныя органы, узброеныя сілы, грамадскія аб'яднанні», — сказаў ён. Сенатар звярнуў увагу, што часам дзеянні ў гэтым напрамку носяць разрознены і нескаардынаваны характар. Менавіта ў мэтах удасканалення дзяржаўнай палітыкі ў сферы патрыятычнага выхавання насельніцтва праз фарміраванне нацыянальнай ідэнтычнасці на аснове адзіных каштоўнасцяў была зацверджана Праграма патрыятычнага выхавання насельніцтва Беларусі на 2022—2025 гады. «Намі — парламентарыямі — не так даўно быў падтрыманы праект Указа Прэзідэнта Рэспублікі Беларусь аб стварэнні ваенна-патрыятычных клубаў, у абноўленай Канстытуцыі нашай краіны змяшчаецца шэраг нормаў, прысвечаных пытанням патрыятызму і захавання гістарычнай памяці. Сёння нам вельмі важна стварыць комплексную сістэму бесперапыннага патрыятычнага выхавання насельніцтва. І калі наша грамадства будзе аб'ядноўваць шчыры клопат аб захаванні гістарычнай памяці, пачуццё прычыненасці да лёсу Айчыны, высокія маральныя ідэалы і каштоўнасці, то можна быць спакойнымі за нашу будучыню, за будучыню нашых дзяцей», — падкрэсліў Віктар Лісковіч.
Намеснік старшыні Пастаяннай камісіі Савета Рэспублікі па міжнародных справах і нацыянальнай бяспецы Валерый Гайдукевіч адзначыў: вельмі дрэнна, што мы становімся сведкамі, мякка кажучы, адвольнай інтэрпрэтацыі вынікаў Другой сусветнай вайны. «Цяпер робяцца ўсялякія меры, каб ачарніць ролю Савецкага Саюза і ўзвысіць ролю іншых саюзнікаў у гэтай вайне, хоць усе цудоўна разумеюць, што вызваленне Еўропы ад карычневай чумы — заслуга СССР. Асаблівая роля ў гэтым Беларусі, паколькі кожны трэці наш чалавек загінуў — гэта сумная лічба, незаменныя страты», — сказаў ён.
Сенатар заўважыў, што сёння Захадам парушаюцца этычныя, чалавечыя нормы, прымяняецца брудная палітыка, з дапамогай якой падтасоўваюцца факты для спробы перапісаць вынікі вайны.
Валерыя СЦЯЦКО
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.