Далёка ад Беларусі Азоўскае мора, рэчка Дон, Растоўская вобласць. Аднак нябачнымі повязямі яны паяднаныя. (І ваенны лёс вядомага ўраджэнца Гомельшчыны іх спалучае. Летась мы пісалі: у сяле Пятрушыне, што ў Няклінаўскім раёне Растоўскай вобласці, адкрыўся літаратурна-этнаграфічны пакой, прысвечаны беларускаму класіку. Гл.: «Далёкі бераг Івана Мележа». — Рэд.) Сёлета ж у плыні міжнароднага праекта «Берега дружбы» 9 лютага супрацоўнікі Пятрушынскай бібліятэца імя Івана Мележа сумесна сумесна з актывістамі суполкі «Беларусы Няклінаўскага раёна» правялі дзве імпрэзы, на якіх згадвалі пра Беларусь.
Спачатку прайшла сустрэча «Інфармацыйная гадзіна: Беларусь». Мы запрасілі на яе дзяцей малодшых класаў. Расказвалі пра Беларусь і беларусаў, якія жывуць па ўсім свеце, у тым ліку і на данской зямлі. Дзеці ўважліва слухалі, задавалі пытанні, падключаліся да размовы. Дырэктар бібліятэкі Таццяна Буцай расказала пра жыццё і творчасць Івана Мележа, паказала яго кнігі. А я прачытала беларускую народную казку «Чароўная дудка», расказала пра некаторыя стравы, якія гатуюць у Беларусі.
Калі дзеці пайшлі на ўрокі, да нас завіталі ўдзельніцы клуба «Вдохновение». Для іх таксама расказалі пра жыццё і творчасць пісьменніка, яго баявы шлях у гады вайны, звязаны з Растоўскай вобласцю. Тут ён быў цяжка паранены, але растоўскі хірург здолеў захаваць яму руку. Таццяна Буцай паказала прадметы беларускага побыту, сабраныя ў літаратурна-этнаграфічным пакоі Івана Мележа, яго кнігі, фатаграфіі — дар ад сваякоў пісьменніка. Я правяла віктарыну пра Беларусь, а таксама «Урок нацыянальнай кухні»: гаварылі пра рэцэпты гатавання калдуноў і бабкі з бульбы. Некаторых, дарэчы, у Пятрушыне яшчэ не ведалі. Гаспадыні з «Вдохновения» абяцалі паэксперыментаваць. Да таго ж і яны прыйшлі на сустрэчу з рэчамі, якія самі зрабілі. Дзяліліся сакрэтамі рукадзелля.
Так мы адзначылі 101-ю гадавіну Івана Мележа: нарадзіўся на Гомельшчыне 8 лютага 1921 года, у вёсцы Глінішча Хойніцкага раёна. У свята ўпляліся беларускія матывы, і яно ўдалося.
Ірына СЕВЕР,
сакратар МНКА «Беларусы Няклінаўскага раёна», Растоўская вобласць
Мерапрыемства праводзілася на добраахвотнай аснове.
Не выявіць ні секунды абыякавасці.