Вы тут

Галоўчанка абазначыў для Браслаўскага раёна задачы на пасяўную кампанію


Прэм’ер-міністр Раман Галоўчанка абазначыў для Браслаўскага раёна задачы на пасяўную кампанію падчас рабочага візіту ў Віцебскую вобласць, перадае БелТА.


«Да мяне паступіла крыху насцярожваючая інфармацыя аб тым, што Браслаўскі раён і Віцебская вобласць у цэлым нязначна адстаюць ад рэспубліканскага ўзроўню і ад таго задання, якое было даведзена. Таму было прынята рашэнне асабіста выехаць на месца і разабрацца ў сітуацыі», — сказаў Раман Галоўчанка.

Паводле яго слоў, Браслаўскі раён няпросты ў сельскагаспадарчых адносінах, гэта пацвердзіла сённяшняя нарада. «Мы выявілі адставанне ад планаў і заданняў, якія былі даведзены адпаведнай пастановай урада. Прычыны гэтага розныя, але часткова гэта непаваротлівасць на месцы, нестараннасць і недысцыплінаванасць. Таксама мы разабралі падрабязна сітуацыю па тэхніцы: узровень яе гатоўнасці недастатковы, ён не адпавядае той задачы, якую паставілі Прэзідэнт і ўрад, — узровень 95 працэнтаў. Мною даволі строгія наконт гэтага зроблены каментарыі і прынята рашэнне, каб за 10-дзённы тэрмін уся тэхніка была падцягнута да неабходнага ўзроўню гатоўнасці», — паведаміў прэм’ер-міністр.

Акрамя таго, абмяркоўваліся пытанні ўгнаенняў і паліва. «У прынцыпе, сітуацыя па забяспечанасці лепшая, чым у мінулым годзе, але гэтага недастаткова. Таксама мы разгледзелі кожную з гаспадарак, які ў кожнай стан спраў, прынялі на месцы неабходныя рашэнні. Усе азадачаны — ад губернатара да кіраўнікоў гаспадарак», — адзначыў Раман Галоўчанка.

Прэм’ер-міністр выказаў упэўненасць, што гэты прыезд надасць неабходны штуршок для таго, каб раён выйшаў на тыя параметры, якія павінны быць для максімальна якаснага правядзення пасяўной кампаніі.

Фота: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.