Вы тут

Эксперымент: платныя паслугі ў выхадныя і святы прапануюць медустановы


У Беларусі правядуць эксперымент па аказанні платных медыцынскіх паслуг у дзяржаўных установах аховы здароўя звыш устаноўленага дзяржавай гарантаванага аб’ёму бясплатнай медыцынскай дапамогі. Гэта прадугледжана пастановай Савета Міністраў ад 28 красавіка № 253, апублікаванай на Нацыянальным прававым інтэрнет-партале, паведамляе БелТА.


Фота: pexels.com

У дакуменце ўказаны пералік дзяржаўных медыцынскіх устаноў, якія ў святы і святочныя дні, аб’яўленыя непрацоўнымі, выхадныя дні (субота і нядзеля) па жаданню грамадзян будуць аказваць платныя медыцынскія паслугі, якія адносяцца да планавай першаснай, спецыялізаванай, высокатэхналагічнай медыцынскай дапамогі, за выключэннем медыцынскіх паслуг, якія аказваюцца дзецям, і трансплантацыі органаў і тканак.

Сярод устаноў — 18 бальніц і навукова-практычных цэнтраў: Мінскі навукова-практычны цэнтр хірургіі, транспланталогіі і гематалогіі, РНПЦ траўматалогіі і артапедыі, РНПЦ неўралогіі і нейрахірургіі, РНПЦ анкалогіі і медыцынскай радыялогіі імя М.М.Аляксандрава, цэнтры «Маці і дзіця» і «Кардыялогія», некалькі бальніц Мінска, а таксама абласныя клінічныя бальніцы і іншыя медустановы.

Міністэрству аховы здароўя даручана да 1 ліпеня 2023 года прааналізаваць вынікі эксперыменту і прадставіць справаздачу ўраду з прапановамі аб удасканаленні парадку аказання платных медыцынскіх паслуг у дзяржустановах аховы здароўя.

Пастанова ўступае ў сілу пасля яе афіцыйнага апублікавання.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».