Сёння на пасяджэнні восьмай сесіі Савета Рэспублікі Нацыянальнага сходу Рэспублікі Беларусь сёмага склікання кіраўнік Адміністрацыі Прэзідэнта Ігар Сергеенка па даручэнні кіраўніка дзяржавы ўручыў дзяржаўныя ўзнагароды старшыні Савета Рэспублікі Наталлі Качанавай і некаторым сенатарам за актыўную і плённую працу па падрыхтоўцы і правядзенні рэспубліканскага рэферэндуму па ўнясенні змяненняў у Канстытуцыю, у тым ліку ў складзе Канстытуцыйнай камісіі, перадае БелТА.
«Абмеркаванне праекта Канстытуцыі атрымалася сапраўды ўсенародным, — падкрэсліў Ігар Сергеенка. — Паступіла больш за 8 тыс. зваротаў грамадзян у перыяд абмеркавання. Напэўна, упершыню за гісторыю суверэннай Беларусі такое маштабнае мерапрыемства мы правялі. Сёння відавочна, што ў цэлым мерапрыемства прайшло арганізавана, масава. Людзі з цікавасцю ішлі на выбарчыя ўчасткі і выказвалі сваю волю. І сёння па даручэнні Прэзідэнта я ўпаўнаважаны ўручыць дзяржаўныя ўзнагароды, а таксама ўзнагароды Адміністрацыі Прэзідэнта кіраўніку Савета Рэспублікі і некаторым членам Савета Рэспублікі».
У прыватнасці, за шматгадовую плённую працу, высокі прафесіяналізм, значны асабісты ўклад у дзяржаўнае будаўніцтва, актыўны ўдзел у грамадска-палітычным жыцці Падзякі Прэзідэнта ўдастоена старшыня Савета Рэспублікі Наталля Качанава. Старшыня Пастаяннай камісіі па заканадаўстве і дзяржаўным будаўніцтве Сяргей Сівец узнагароджаны медалём «За працоўныя заслугі». Ганаровай граматай Адміністрацыі Прэзідэнта ўзнагароджаны старшыня Пастаяннай камісіі па эканоміцы, бюджэце і фінансах Таццяна Рунец, старшыня Пастаяннай камісіі па рэгіянальнай палітыцы і мясцовым самакіраванні Міхаіл Русы і начальнік інфармацыйна-аналітычнага ўпраўлення Сакратарыята Савета Рэспублікі Кацярына Рэчыц.
Фота БелТА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
