Міністр інфармацыі Уладзімір Пярцоў, кіраўнікі і прадстаўнікі рэспубліканскіх СМІ 5 мая ўсклалі кветкі да стэлы «Мінск — горад-герой», перадае БелТА.
«У наша прафесійнае свята і напярэдадні Вялікага Дня Перамогі ў нас добрая традыцыя склалася: прадстаўнікі найбуйнейшых сродкаў масавай інфармацыі і Міністэрства інфармацыі выязджаюць на адну з памятных мясцін, якія сімвалізуюць Вялікую Перамогу», — сказаў Уладзімір Пярцоў.
Міністр падкрэсліў: «Другі год мы прыязджаем да стэлы „Мінск — горад-герой“, каб ускласці кветкі, аддаць даніну памяці тым, хто аддаў свае жыцці за тое, каб мы (не хацелася б гаварыць высакамоўныя словы, але іншых, на жаль, не магу знайсці) жылі пад мірным небам. Каб мы маглі будаваць сваю краіну, маглі жыць без нягод, нейкага цяжару і ўсіх тых жахаў, якія нам былі запланаваны тымі, хто прыйшоў з Захаду з фашысцкай ідэалогіяй на нашу зямлю і знішчыў трэць нашага насельніцтва».
Фота БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.