Брэсцкія мытнікі павіншавалі ветэранаў вайны, а таксама правялі рэканструкцыю пахавання былога супрацоўніка ведамства, ветэрана Вялікай Айчыннай вайны.
У традыцыі Брэсцкай мытні — захаванне памяці пра гістарычнае мінулае і шанаванне ветэранаў вайны. Цяперашнія супрацоўнікі наведваюць ветэранаў на святы, у памятныя даты. Цяпер гэта нярэдка робяць разам з юным пакаленнем — вучнямі мытных класаў сярэдняй школы № 1 Брэста.
Вось і гэтым разам у госці да 95-гадовага Уладзіміра Сацюка накіраваліся разам са школьнікамі. Дарэчы, Уладзімір Пятровіч на сёння адзіны ветэран Вялікай Айчыннай вайны і ветэран мытных органаў краіны. І жыве ён у Брэсце. Ветэран згадаў, што 18 гадоў яму споўнілася 1 снежня 1944 года, а 24 снежня ён быў прызваны ў Чырвоную армію і накіраваны ў вучэбнае падраздзяленне ў Полацку. Паспеў і паваяваць. Быў узнагароджаны ордэнам Айчыннай вайны ІІ ступені, медалём «За перамогу над Германіяй у Вялікай Айчыннай вайне 1941-1945 гг.» На работу у Брэсцкую мытню прыйшоў у 1975 годзе, працаваў да 1989 года.
Ветэрана цёпла павіншаваў намеснік начальніка Брэсцкай мытні Віктар Верамяюк. Разам з калегамі яны ўручылі ветэрану падарункі, якія падрыхтавала грамадская арганізацыя мытнікаў.
Супрацоўнікі мытні таксама павіншавалі ветэранаў, якія пражываюць у Маскоўскім раёне Брэста. Аляксандр Іванавіч Якаўлеў удзельнічаў у баях на Курскай дузе, Марыя Аляксееўна Апановіч была вязнем канцлагера.
— Супрацоўнікі ведамства захоўваюць памяць і пра тых ветэранаў, якіх ужо няма з намі, — падкрэсліла афіцыйны прадстаўнік Брэсцкай мытні Вера БАЗАКА. — Такіх, напрыклад, як Павел Кутукоў. Ветэран вайны адпрацаваў у мытных органах каля 50 гадоў. У далёкім 1942 годзе Павел Кутукоў быў прызваны ў Ваенна-марскі флот. Разам з падраздзяленнем удзельнічаў у прарыве і зняцці Ленінградскай блакады, узнагароджаны ордэнам Айчыннай вайны ІІ ступені і шэрагам медалёў.
Павел Аляксеевіч працаваў у Брэсцкай мытні і мытні «Заходні Буг», кіраваў аддзелам па барацьбе з кантрабандай і мытным пастом «Казловічы». У адстаўку выйшаў у 1998 годзе ва ўзросце 75 гадоў.
Да 77-й гадавіны Вялікай Перамогі Брэсцкае аддзяленне Беларускай грамадскай арганізацыі мытнікаў прыняло рашэнне прафінансаваць рэканструкцыю месца пахавання ветэрана. Напярэдадні свята мытнікі прыйшлі на абноўленую магілу, каб ускласці кветкі і аддаць даніну павагі ветэрану.
Святлана ЯСКЕВІЧ
Фота Брэсцкай мытні
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
