Ветэрану вайны, сувязной партызанскага атрада Наталлі Еўстратоўскай з Азарычаў самыя шчырыя словы падзякі і віншаванні асабіста адрасаваў старшыня Гомельскага аблвыканкама Іван Крупко.
Так, кіраўнік рэгіёну прыняў удзел ва ўрачыстым парадзе каля дома ветэрана Вялікай Айчыннай вайны, адной са старэйшых жыхароў Калінкавіцкага раёна. Падчас нямецка-фашысцкай акупацыі вясковая дзяўчына-падлетак са Светлагоршчыны, Наталля Ільінічна Еўстратоўская была сувязной Даманавіцкага партызанскага атрада «Мсціўца».
— Цяжка і страшна ўявіць, што адчувала 14-гадовая дзяўчынка, якая перадавала важныя для партызан звесткі, рызыкавала не толькі сваім жыццём, але і сваіх родных, вяскоўцаў. Бо ведаем, як фашысты праступалі з тымі, хто дапамагаў партызанам. Нізкі Вам паклон і шчырая сардэчная падзяка за свабоду, за мірнае неба, за магчымасць жыць, ствараць сем’і, чуць радасных смех дзяцей. Дзякуй вам! З Вялікай Перамогай! — ва ўрачыстай абстаноўцы адрасаваў віншаванні ветэрану Іван Крупко.
Кіраўнік рэгіёну ўручыў кветкі і падарункі, выказаў самыя цёплыя пажаданні. У асобе Наталлі Ільінічны Еўстратоўскай губернатар падзякаваў ўсяму ваеннаму пакаленню і салдатам Вялікай Перамогі.
— Мы памятаем аб гераізме беларускага народа, свята шануем памяць загінулых у Вялікай Айчыннай вайне, дзякуючы якім мы жывем сёння ў мірнай незалежнай Беларусі, — падкрэсліў старшыня аблвыканкама і зазначыў, што ў нашай краіне робіцца ўсё, каб ветэраны былі акружаны клопатам і ўвагай. — Ніколі не перапыніцца эстафета памяці пакаленняў удзячнага беларускага народа! Гэта мы абяцаем! — запэўніў старшыня аблвыканкама.
Каля дома Наталлі Ільінічны Еўстратоўскай у яе гонар урачысты марш пад гукі аркестра выканалі вайскоўцы Мазырскага пагранатрада. Святочныя віншаванні для ганаровай жыхаркі Азарычаў падрыхтавалі і мясцовыя школьнікі, якія, дарэчы, ва ўсе дзяржаўныя святы не забываюць ветэрана.
— Трэба, каб цяперашняя моладзь ведала і ніколі не забывала праўду аб вайне, — свой наказ удзельнікам свята пад вокнамі ветэрана перадала Наталля Еўстратоўская.
Шаноўных гасцей з вобласці і раёна Наталля Ільінічна запрасіла прайсці ў дом: не адпусціла без пачастункаў і чаяпіцця пад хоць і кароткую, але вельмі кранальную і душэўную размову.
Між тым падчас свайго візіту ў Калінкавіцкі раён кіраўнік рэгіёну Іван Крупко не мог таксама абысці ўвагай знакавае месца памяці і смутку для ўсіх нашчадкаў Вялікай Перамогі. Старшыня аблвыканкама ўсклаў кветкі да манумента ахвярам лагераў смерці ў Азарычах, куды ў 1944 годзе фашысты сагналі каля 50 тысяч мірных жыхароў — жанчын, дзяцей і старыкоў выкарысталі, як бактэрыялагічную зброю супраць байцоў Чырвонай Арміі.
Наталля КАПРЫЛЕНКА
Фота – ТК «Гомельшчына афіцыйна».
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!