У гісторыі Беларусі ёсць шмат перыядаў, якія патрабуюць дадатковага вывучэння. Аб гэтым заявіў журналістам кіраўнік Адміністрацыі Прэзідэнта Ігар Сергеенка на пасяджэнні Рэспубліканскага савета па гістарычнай палітыцы, перадае БелТА.
Паводле яго слоў, адны з інструментаў захавання гістарычнай памяці — навучальныя дапаможнікі, наступальная інфармацыйная работа. «І тое, што мы бачылі напярэдадні 9 Мая, у час правядзення святочных мерапрыемстваў, даволі шырока асвятлялася ў СМІ. Сустрэчы, мерапрыемствы, ушаноўванні ветэранаў, наведванне памятных мясцін. Гэта не толькі датычыцца гісторыі Вялікай Айчыннай вайны — у гісторыі Беларусі шмат цікавых перыядаў, якія патрабуюць дадатковага вывучэння. І не проста вывучэння, а адпаведнага асвятлення ў СМІ і давядзення да насельніцтва: не толькі да моладзі, а да розных катэгорый насельніцтва», — сказаў Ігар Сергеенка.
«Такім чынам мы зможам захаваць гістарычную памяць і напоўніць яе зместам», — дапоўніў кіраўнік Адміністрацыі Прэзідэнта.
Таксама з новага навучальнага года ў ВНУ пачне выкладацца курс гісторыі беларускай дзяржаўнасці.
«У нас ёсць пяцітомнае выданне Нацыянальнай акадэміі навук («Гісторыя беларускай дзяржаўнасці. Бларуская дзяржаўнасць: ад вытокаў да канца XVIII ст.» — Заўвага БелТА). Але гэта ў большай ступені для спецыялістаў, гісторыкаў, вучоных. Падрыхтаваны рабочай групай адпаведны праект падручніка «Натуральна, ён павінен быць цікавым, даступным, вельмі кампактным, каб выклікаў цікавасць не толькі ў спецыялістаў гуманітарнага профілю, але і студэнтаў, якія вывучаюць тэхнічныя дысцыпліны. Гэта значыць павярнуцца яшчэ раз тварам да нашай гісторыі», — адзначыў Ігар Сергеенка.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
