Заяву аб знікненні маёмасці на суму амаль 4 тысячы рублёў прынёс у Першамайскі РАУС 26-гадовы грамадзянін Туркменістана. Як паведамляе УУС Віцебскага аблвыканкама, ён расказаў, што рыхтаваўся да паездкі ў Мінск і склаў у сумку для ноўтбука грошы ў суме 500 долараў 50 еўра, два мабільныя тэлефоны, сярэбраны пярсцёнак і ланцужок, а таксама залаты пярсцёнак з дыяментам.
Рэчы ён не пакінуў дома, а прыхаваў на цокальным паверсе шматпавярхоўкі, у якой жыў. Сам адправіўся на сустрэчу са знаёмай, а калі вярнуўся літаральна праз 20 хвілін, часовае сховішча аказалася пустым.
Міліцыянеры ўстанавілі асобы падазраваных. Імі аказалася 14-гадовая васьмікласніца і яе 17-гадовы прыяцель. Маладыя людзі вырашылі зладзіць рамантычную сустрэчу бліжэй да даху дома. Па дарозе знайшлі сумку і вельмі ўзрадаваліся яе змесціву.
Па словах закаханых, пасля таго, як забралі рэчы, аднеслі іх дадому да хлопца. Маці апошняга не ўзрадавалася знаходцы і прымусіла парачку сысці з дому. Далейшы лёс упрыгожванняў і грошай зараз трэба будзе высветліць праваахоўнікам.
Сяргей РАСОЛЬКА
Прэв’ю: pixabay.com
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
