Адбылася сустрэча генеральнага дырэктара Беларускага Чырвонага Крыжа Дзмітрыя Шаўцова і старшыні Саюза пісьменнікаў Беларусі Алеся Карлюкевіча.
Размова ішла пра супольную працу па прапагандзе здаровага ладу жыцця, падтрымцы сацыяльных аспектаў у галіне аховы здароўя і фарміраванні грамадскай думкі ў гэтых накірунках.
Абмяркоўвалася і пытанне аб правядзенні Рэспубліканскага літаратурнага конкурса на лепшы твор у галіне мастацкай літаратуры на тэму вобраза медыцынскіх работнікаў, якія займаюцца міласэрнасцю, аказаннем паліатыўнай дапамогі, на тэму дзейнасці Беларускага Чырвонага Крыжа.
Плануецца, што конкурс пройдзе ў межах 2022 года. Намінацыі будуць разглядацца наступныя: «Лепшы твор у мастацкай прозе»; «Лепшы твор у публіцыстыцы»; «Лепшы твор у паэзіі».
— Мы вельмі жадалі б супрацоўнічаць з творчымі людзьмі, — зазначыў Дзмітрый Шаўцоў. — Важна фарміраваць здаровую думку ў дачыненні да людзей, якія знаходзяцца ў няпростым фізічным стане, пакутуюць ад цяжкіх захворванняў. Атмасфера суладдзя, грамадскіх памкненняў дапамагчы хворым, прыняць удзел у паліатыўнай дапамозе — важны аспект у выхаванні грамадства. І мне здаецца, што мастацкія вобразы, дакументальныя сведчанні, якія будуць агучаны творамі праз наш сумесны конкурс, несумненна, паспрыяюць вырашэнню гэтых важкіх для ўсёй нашай краіны задач.
Сяргей ШЫЧКО
Прэв’ю: БелТА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».