Украіна, Польшча, Літва і Латвія могуць зладзіць вайсковую правакацыю ў дачыненні да Беларусі, але гэтыя краіны абавязаныя разумець, да якіх наступстваў гэта прывядзе, – да страшнай для іх рэакцыі. Пра гэта ў эфіры тэлеканала АНТ заявіў старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Беларусі Ігар Марзалюк.
«Мы супраць вайны, мы не хочам вайны. Мы – народ кампрамісу, але мы не рабы і ніколі імі не былі. Спроба зламаць нас праз калена, зняважыць заўсёды прыводзіла да страшнай рэакцыі. Паверце, загнаны ў кут беларускі чалавек... я не ведаю больш лютага байца», – лічыць дэпутат.
Ігар Марзалюк нагадаў аб недапушчэнні парушэння тэрытарыяльнай цэласнасці. «Нікому б я не раіў парушаць тэрытарыяльную цэласнасць нашай краіны, маёй краіны. Адказ будзе страшным. Ну, і самы наш любімы адказ: нават калі зламаны супраціў з-за праўзыходных сіл праціўніка-гэта татальная партызанская вайна, вайна на знішчэнне, да апошняга. І мы, ахвяруючы каласальна, заўсёды па вялікім рахунку выйгравалі ў гэтых партызанскіх войнах. Таму я нікому не раю савацца на беларускую тэрыторыю», — адзначыў парламентарый.
Беларусь, нагадаў ён, паслядоўная падкрэслівае, што не збіраецца ўдзельнічаць ні ў якіх ваенных канфліктах. «Адзінае, што прымусіць беларускі народ, беларускіх салдат і беларускае войска ваяваць – гэта, вядома, у выпадку, калі хтосьці паквапіцца на нашу тэрыторыю, на нашу краіну. Мы будзем вымушаныя адказваць», – дадаў Ігар Марзалюк.
Прэв’ю: АНТ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
