Вы тут

Эксперт назваў малаверагодным узнікненне пандэміі воспы малпаў


Верагоднасць таго, што ў свеце паўстане пандэмія воспы малпаў, блізкая да нуля, пры перадачы віруса ад чалавека да чалавека яго заразнасць зніжаецца. Такое меркаванне выказаў ТАСС галоўны навуковы супрацоўнік Цэнтра ім. Н. Ф. Гамалэі Анатоль Альтштейн.


«Не, я думаю, што гэта немагчыма. Гэта значыць так катэгарычна ніколі казаць нельга, але верагоднасць гэтага блізкая да нуля», — сказаў ён, адказваючы на пытанне, ці магчымая ў свеце глабальная пандэмія воспы малпаў, параўнальная з пандэміяй каранавіруса.

Вірус воспы малпаў вядомы і добра вывучаны, ён не здольны выклікаць буйныя пандэміі, падкрэсліў Альтштейн. Прычына ў тым, што заразнасць віруса слабее пры перадачы ад чалавека да чалавека, аднак калі ён пераходзіць ад жывёлы да чалавека, то апошні хварэе «вельмі цяжка і досыць заразна», адзначыў эксперт.

«А потым, па меры таго, як ідзе перадача ад чалавека да чалавека, усё слабее. Гэта ў прыродзе гэтага віруса, і хутчэй за ўсё, нават калі тут гэта нейкі трошкі адрозны варыянт [віруса], наўрад ці гэта [пандэмія] можа здарыцца», — сказаў на заканчэнне Альтштэйн.

Вірус воспы малпаў, які атрымаў у красавіку-маі распаўсюджванне ў шэрагу краін Заходняй Еўропы, выяўлены і на іншых кантынентах. Сусветная Арганізацыя Аховы здароўя ў бліжэйшы час правядзе экстранную сустрэчу з удзелам вядучых экспертаў для абмеркавання ўспышкі. Раней паведамлялася, што ў Расіі няма выпадкаў захворвання.

Прэв’ю:  pexels.com

Выбар рэдакцыі

Калейдаскоп

Дзмітрый Рабаў: У ліпені чакаем ідэальнае беларускае лета!

Дзмітрый Рабаў: У ліпені чакаем ідэальнае беларускае лета!

У ліпені, як і належыць экватару года, прагназуецца самы цёплы перыяд сезона.

Калейдаскоп

«I гэты чалавек застаўся жыць...» Медыкі ў беларускай літаратуры. Тэст

«I гэты чалавек застаўся жыць...» Медыкі ў беларускай літаратуры. Тэст

Кожную трэцюю нядзелю червеня адзначаецца Дзень медыцынскага работніка.