Вы тут

Найлепшыя прамоўцы — у Беларусі і Шры-Ланцы


Міжнародны конкурс «Цыцыроній-2022» сабраў у Акадэміі МУС прамоўцаў з пяці краін: Беларусі, Расіі, Кітая, Узбекістана і Шры-Ланкі. Канкурсанты прадстаўлялі 18 вышэйшых навучальных устаноў. 


Удзельнікі прадэманстравалі, што майстэрства прамоўцы мае значэнне ў любой прафесіі. Прыгожа размаўляць, правільна даносіць свае думкі павінны і супрацоўнікі органаў унутраных спраў. Не выпадкова падчас падрыхтоўкі будучых праваахоўнікаў у галоўнай міліцэйскай ВНУ краіны асаблівая ўвага надаецца такім дысцыплінам, як рыторыка і маўленчы этыкет. 

— Кожны год конкурс становіцца больш моцным, — адзначыў прафесар кафедры псіхалогіі і педагогікі Акадэміі МУС Васіль ГОЛУБЕЎ. — Сёлета яго адметная рыса — высокі ўзровень грамадзянскасці і патрыятызму. Наша журы адзінагалосна адзначыла моцныя маральныя пазіцыі юнакоў і дзяўчат. Бачна, што маладыя людзі задумваюцца аб будучыні, хочуць будаваць свае жыцці, зыходзячы з асабістай унутранай упэўненасці. 

Як расказала выкладчык кафедры сацыяльна-гуманітарных дысцыплін Інстытута пагранічнай службы Наталля ЛАГУН, разам з курсантамі яна ўдзельнічае ў «Цыцыроніі» дзясяты год запар. Сёлета на сцэну падымаліся тры яе канкурсанты. «Мы рады быць тут, а жаданне нашых курсантаў удзельнічаць — наймацнейшае, — падзялілася педагог. — Конкурс вельмі патрэбны. Удзячная акадэміі за гэты праект, які нас аб’ядноўвае. Гэта не толькі конкурс. Гэта свята душы і зносін». 

Традыцыйна без дыпломаў і медалёў ніхто не застаўся. Пераможцамі конкурсу сталі курсант Магілёўскага інстытута МУС Дзмітрый Якоўчык, студэнтка Брэсцкага дзяржаўнага ўніверсітэта імя Пушкіна Ганна Андрасюк і студэнт Беларускага дзяржаўнага медыцынскага ўніверсітэта Садзік Джункер Замані. 

Уручаючы заслужаныя ўзнагароды пераможцам, начальнік Акадэміі МУС генерал-маёр міліцыі Аляксандр ВАСІЛЬЕЎ адзначыў маштаб і значнасць конкурсу, а таксама падзякаваў усім за шматгадовае супрацоўніцтва. 

Вераніка КАНЮТА

Фота прэс-службы Акадэміі МУС

Выбар рэдакцыі

Культура

З энергіі агню. Янка Купала для беларусаў — не проста паэт

З энергіі агню. Янка Купала для беларусаў — не проста паэт

 140 гадоў таму адбыўся галоўны купальскі цуд Беларусі.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.