У Беларусь за суткі прыбылі 146 украінскіх грамадзян

У Беларусь за суткі праз краіны ЕС прыбылі 146 украінскіх грамадзян, паведамляе Дзяржаўны пагранічны камітэт.

«З 6:00 23 мая па 6:00 24 мая ў нашу краіну прыбылі 146 грамадзян Украіны. 123 з іх прыбылі праз Польшчу. Праз Літву прыехалі 18 украінцаў, яшчэ пяцёра — праз Латвію. Нагадваем, што іншаземцам, якія прыбываюць у Рэспубліку Беларусь у сувязі з сацыяльна-палітычнай абстаноўкай ва Украіне, у тым ліку транзітам праз тэрыторыю іншых краін, для ўезду не патрэбны ПЛР-тэст (сертыфікат)», — расказалі ў ведамстве.

У Дзяржпагранкамітэце дадалі, што пункты пропуску Беларусі працуюць у штатным рэжыме.

Прэв’ю: БелТА