Вы тут

Да 15 гадоў пазбаўлення волі пагражае жыхару Віцебска за распаўсюджванне наркотыкаў


У Віцебску з доказамі злачынства затрыманы 26-гадовы наркакур’ер, паведамілі ва УУС Віцебскага аблвыканкама.


Фота УУС Віцебскага аблвыканкама

Аператыўнікі ўпраўлення па наркакантролі і супрацьдзеянні гандлю людзьмі УУС і Першамайскага РАУС Віцебска затрымалі непрацуючага жыхара абласнога цэнтра. Гэта адбылося ў першы дзень правядзення спецыяльнага комплексу прафілактычных мерапрыемстваў па спыненні распаўсюджвання ў маладзёжным асяроддзі наркотыкаў і псіхатропаў. Мужчыну спынілі каля аднаго з жылых дамоў па вул. Баграмяна, дзе той збіраўся рабіць закладкі.

«Падчас асабістага дагляду ў затрыманага было выяўлена і канфіскавана больш за 9 г мефедрону. Асабліва небяспечнае псіхатропнае рэчыва было расфасавана і падрыхтавана да продажу. Падазраваны планаваў раскласці скруткі на тэрыторыі Віцебска ў месцах масавага адпачынку», — удакладнілі ва УУС.

Як аказалася, 26-гадовы жыхар Віцебска сам ужываў наркатычныя рэчывы і часта наведваў форум наркаманаў. Там яму на вочы трапілася аб’ява аб прыёме на працу ў інтэрнэт-краму. Наймальнік гарантаваў высокі даход за невялікі прамежак часу: за кожную з дзевяці закладак выканаўцу абяцалі $4. Жыхар абласнога цэнтра трапіў у поле зроку праваахоўнікаў у першы ж дзень.

У дачыненні да мужчыны ўзбуджана крымінальная справа па ч. 3 арт. 328 КК. Наркакур’еру пагражае да 15 гадоў пазбаўлення волі. Праваахоўнікі правяраюць дачыненне падазраванага да іншых фактаў распаўсюджвання наркотыку на тэрыторыі Віцебска.

Выбар рэдакцыі

Культура

Што пакажа «Славянскі базар у Віцебску»? Добры настрой і незабыўныя ўспаміны гарантаваны

Што пакажа «Славянскі базар у Віцебску»? Добры настрой і незабыўныя ўспаміны гарантаваны

Канцэртныя праграмы, тэатральныя пастаноўкі, майстар-класы, кірмаш і многае іншае.

Грамадства

З серады дажджы, а з чацвярга спякота «адпусціць»

З серады дажджы, а з чацвярга спякота «адпусціць»

Начныя тэмпературы стануць яшчэ ніжэй у пятніцу.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.