Адчаканены памятныя манеты «Пракуратура Беларусі. 100 гадоў»

Нацыянальны банк краіны з трэцяй дэкады мая выпусціў у абарачэнне памятныя манеты «Пракуратура Беларусі. 100 гадоў»:

— сярэбраную — наміналам 10 рублёў, масай 16,81 г, дыяметрам 37,00 мм, пробай сплаву 925, накладам 999 штук;

— медна-нікелевую — наміналам 1 рубель, масай 20,00 г, дыяметрам 37,00 мм, накладам 1 499 штук.

Манеты маюць форму круга, з пярэдняга і адваротнага бакоў — кант, які выступае па акружнасці. Бакавая паверхня манет з насечкай.

Манеты адчаканены на прадпрыемстве «Казахстанскі манетны двор Нацыянальнага банка Рэспублікі Казахстан» якасцю: сярэбраныя — пруф з лічбавым друкам, медна-нікелевыя — пруф-лайк з лічбавым друкам.

Выпушчаныя ў абарачэнне манеты з’яўляюцца законным плацежным сродкам Рэспублікі Беларусь і абавязковыя да прыёму па намінальным кошце пры ўсіх відах плацяжоў без усякіх абмежаванняў.

Сяргей КУРКАЧ