Вы тут

Медыкі выявілі дзеючыя лекі супраць малпавай воспы


Міжнародны калектыў даследчыкаў выявіў, што брытанскім медыкам удалося здушыць адзін выпадак заражэння воспай малпаў пры дапамозе лекаў ад чалавечай воспы, піша ТАСС.


Навуковы супрацоўнік ліверпульскага ўніверсітэта Х’ю Адлер адзначыў, што пакуль многія імкнуцца зразумець карані ўспышкі воспы малпаў і яе распаўсюджванне, яны вывучаюць ужо існуючы вопыт. «Мы зацікавіліся тым, якія антывірусныя прэпараты ў мінулым ужо маглі выкарыстоўвацца для барацьбы з гэтай хваробай», — сказаў ён.

Для атрымання такога вываду Х’ю Адлер і яго калегі прааналізавалі звесткі, сабраныя на працягу апошніх пяці гадоў спецыялізаванымі цэнтрамі па вывучэнні небяспечных інфекцыйных захворванняў. У агульнай складанасці ў прамежку паміж 2018 і 2021 гадамі яны зафіксавалі сем выпадкаў заражэння вірусам воспы малпаў.

Аналіз гісторый хваробы паказаў, што ўрачы спрабавалі здушыць хваробу пры дапамозе двух супрацьвірусных лекаў — брынцыдафавіра і тэкамвірымата. Першы з іх распрацаваны для барацьбы з ветраной оспай, а другі з’яўляецца першым прэпаратам у свеце, здольным душыць размнажэнне віруса чалавечай воспы.

Як паказалі наступныя назіранні, брынцыдафавір не прынёс бачнага палягчэння пацыентам. Пры гэтым яго прыём прыкметна павысіў нагрузку на іх печань. У сваю чаргу тэкамвірымат не выклікаў пабочных рэакцый. Прэпарат змог палепшыць самаадчуванне і выздараўленне хворага.

Як лічыць навуковы супрацоўнік ліверпульскага ўніверсітэта, гэтыя лекі змогуць выкарыстоўваць для барацьбы з вірусам воспы малпаў. Навукоўцы спадзяюцца, што наступныя досведы і назіранні пацвердзяць гэтую гіпотэзу.

Прэв’ю: pixabay.com

Выбар рэдакцыі

Грамадства

Пачым сёння прадаюць лісічкі, чарніцы і лясную суніцу?

Пачым сёння прадаюць лісічкі, чарніцы і лясную суніцу?

Карэспандэнт «Звязды» патаргавалася на рынках.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.