31 мая а 17-й гадзіне ў галерэі «Лабірынт» Нацыянальнай бібліятэкі Беларусі адбудзецца адкрыццё выстаўкі «Паэтыка фотаграфікі», прысвечанай 75-гадоваму юбілею Віталя Бутырына — члена найстарэйшага беларускага фотаклуба «Мінск», аднаго з самых яркіх прадстаўнікоў літоўскай школы фатаграфіі.
У экспазіцыі можна будзе пабачыць серыі здымкаў фотамастака, майстра фотамантажу, фотакалажу і сусветна вядомага авангарднага фатографа Віталя Бутырына з архіва фотаклуба «Мінск» і асобныя аўтарскія работы з асабістых калекцый мінскіх фатографаў. Большасць здымкаў выкананы ў жанры фантастычнай навелы аб таямнічым і невядомым.
Фотаработы мастака вылучаюць лаканізм, манументальнасць, сюрэалістычнасць сюжэтаў, выразныя візуальныя метафары, глыбокі падтэкст вобразаў. Кожная з іх заахвочвае гледача да светасузіранняў і філасофскіх высноў. У серыях майстра побач суіснуюць значныя тэмы: узаемаадносіны чалавека і прыроды, разважанні аб дысанансе і сцвярджэнне гарманічнага пачатку чалавечага жыцця, яго фантастычнасці, пошук залатога сячэння падзей і ўчынкаў.
Віталь Бутырын — удзельнік дзясяткаў выставак па ўсім свеце (больш за 70), уладальнік сотняў узнагарод (больш за 300), мае высокае званне «Майстар FIAP» Міжнароднай федэрацыі фатаграфічнага мастацтва. Мастак стварыў 13 фотацыклаў і выпусціў чатыры фотаальбомы.
Уваход на адкрыццё вольны, у іншы час наведванне экспазіцыі — па чытацкім білеце або білеце сацыякультурнага цэнтра.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
