Вы тут

Беларускія дыпламаты прынялі ўдзел у прэзентацыі фільма «Лета 1941 года» ў Казахстане


Пасол Беларусі ў Казахстане Павел Уцюпін прыняў удзел у прэзентацыі мастацкага фільма «Лета 1941 года». Аб гэтым паведамілі ў пасольстве Беларусі ў Казахстане, перадае БелТА.


У прэзентацыі ўдзельнічалі таксама віцэ-міністр культуры і спорту Рэспублікі Казахстан Нуркіс Дауешаў, рэжысёр карціны Бекбулат Шэкераў, кіраўнікі дыпламатычнага корпуса, прадстаўнікі дзяржаўных органаў і парламента Казахстана, ветэранскай арганізацыі, беларускіх этнакультурных аб’яднанняў і СМІ.

Сустрэча стала часткай мерапрыемстваў, прымеркаваных да 30-годдзя ўсталявання дыпламатычных адносін паміж Беларуссю і Казахстанам. Яна была арганізавана Міністэрствам культуры і спорту Казахстана сумесна з Дзяржаўным цэнтрам падтрымкі нацыянальнага кіно і пасольствам Беларусі.

Мастацкая карціна «Лета 1941 года» была створана па заказе Міністэрства культуры і спорту Казахстана. Нуркіс Дауешаў адзначыў: фільм уяўляе сабой гісторыю баявога шляху казахскага вучонага, пісьменніка і грамадскага дзеяча Адзі Шарыпава, які адным з першых узначаліў партызанскі атрад у акупіраванай немцамі Беларусі. У карціне паказаны адрэзак жыцця Шарыпава — ад першага яго бою да моманту ранення ў 1944 годзе. Здымкі фільма праходзілі ў месцах, дзе ў час вайны разгараліся найбольш бязлітасныя баі з фашыстамі. Асноўныя здымачныя лакацыі размяшчаліся ў Беларусі, некаторыя сцэны здымалі ў Алмацінскай вобласці Казахстана.

Фота МЗС

Выбар рэдакцыі

Культура

З энергіі агню. Янка Купала для беларусаў — не проста паэт

З энергіі агню. Янка Купала для беларусаў — не проста паэт

140 гадоў таму адбыўся галоўны купальскі цуд Беларусі.

Калейдаскоп

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

«Баграціён». Што вы ведаеце аб найбуйнейшай ваеннай аперацыі ў гісторыі? Тэст

У ходзе аперацыі савецкая армія разграміла групу армій «Цэнтр» Вермахта.