У Мазыры аператыўнікі наркакантролю РАУС на здымнай кватэры затрымалі 31-гадовага мясцовага жыхара з насваем.
Падставай для наведвання паслужыла інфармацыя ад пільнай грамадзянкі райцэнтра. Яна абурана паведаміла ў міліцыю, што з балкона шматпавярховіка, які знаходзіцца каля дзіцячага садка, гандлююць некурыльным тытунём.
Як паведамляе група інфармацыі і грамадскіх сувязяў Мазырскага РАУС, на здымнай кватэры праваахоўнікі знайшлі 12,685 кілаграма жавальнага зелля, расфасаванага ў 359 палімерных ЗІП-пакетах. Увесь тавар прызначаўся для продажу жыхарам горада. «Бізнесмен», ацэньваючы рыначны кошт канфіскаванага, не далічыўся выручкі больш як у тысячу рублёў.
У адносінах да мужчыны пачаты адміністрацыйны працэс за незаконныя дзеянні з некурыльнымі тытунёвымі вырабамі, прызначанымі для смактання і (або) жавання. Прызначана экспертыза канфіскаванага.
Сяргей РАСОЛЬКА
Фота з сайта УУС Гомльскага аблвыканкама
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
