Вы тут

Традыцыйныя СМІ застануцца драйверам медыйнага поля


Традыцыйныя медыя будуць адыграваць заўважную ролю ў інфармацыйнай прасторы і надалей, калі здолеюць належным чынам адаптавацца да глабальных змяненняў. Пра гэта падчас міжнароднага вебінара, які арганізавалі Кітайскі камітэт ШАС па добрасуседстве, сяброўстве і супрацоўніцтве сумесна з парталам «Хуаньцюван», заявіў Дзі Дэцзян, прафесар і навуковы кіраўнік дактарантаў Кітайскага ўніверсітэта камунікацый, прарэктар даследчага інстытута Супольнасці адзінага лёсу чалавецтва і навуковы супрацоўнік дзяржаўнай ключавой лабараторыі медыяканвергенцыі.


Зараз адбываецца імклівы пераход ад афлайнавага фармата камунікацый да гібрыднага, у якім ўсё большую ролю адыграе віртуальная прастора. Усё часцей можна пачуць такі тэрмін як «метасусвет». Такім чынам вызначаюць прастору, якіая спалучае «сапраўдную» і віртуальную рэальнасць (VR). Лічыцца, што ўпершыню гэты тэрмін з’явіўся ў культавай кнізе Ніла Стывенсана «Лавіна», якая выйшла ў 1992 годзе. 

Як заўважыў Дзі Дэцзян, узровень пранікнення інтэрнэта адрозніваецца па краінах, аднак прасочваецца і агульная глабальная тэндэнцыя — свет рушыць у кірунку лічбавізацыі. Адпаведна адбываецца і трансфармацыя медыяпрасторы. «Традыцыйныя СМІ не знікнуць, — перакананы прафесар Дзі Дэцзян. — Хаця многія кажуць пра тое, што імклівае развіццё новых медыя прывядзе да смерці традыцыйных СМІ. Аднак гэта не так — нават у віртуальнай прасторы яны будуць адыграваць заўважную ролю. Пры адной умове — калі здолеюць своечасова належным чынам змяніцца, адаптавацца да новай рэальнасці».

Менавіта традыцыйныя медыя застануцца галоўнымі гульцамі на медыйным полі, паколькі яны карыстаюцца нязменным даверам у аўдыторыі. Зараз карыстальнікі ўсё часцей аддаюць перавагу атрымліваць навіны з іншых крыніц (дадаткаў, сацыяльных сетак), аднак у многіх з’яўляецца разуменне наконт якасці і дакладнасці такой інфармацыі. Нездарма менавіта такім чынам нярэдка запускаюцца шматлікія фэйкі. Іх фарміруюць і міжнародныя медыякарпарацыі, якія імкнуцца навязаць аўдыторыі пэўны пункт погляду. Як заўважыў «Звяздзе» прафесар Дзі Дэцзян, гэта глабальная праблема, супрацьстаяць такому інфармацыйнаму ўплыву магчыма толькі праз аб’яднанне намаганняў канструктыўных медыя. 

Раней у межах экспертных дыскусій падчас анлайн-семінара Шанхайскай арганізацыі супрацоўніцтва з’явілася прапанова наконт стварэння такой пляцоўкі на платформе ШАС. Як заўважыў Дзі Дэцзян, кітайскія ўлады нездарма так шмат увагі надаюць належнаму развіццю традыцыйных СМІ. Гэты сегмент і ў перспектыве павінны захоўваць свае пазіцыі, каб адстойваць адказнасць і дакладнасць падчас падачы інфармацыі.

Мікалай ЛІТВІНАЎ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.