Больш за ўсё на якасць адносінаў з навакольнымі ўплывае наш унутраны стан. І ў першую чаргу тое, як мы ставімся да сябе. Таму ў жыцці жанчыны ніколі не бывае непрыдатных мужчын. Кожны хлопец, які сустракаецца на вашым шляху, не выпадковы. Усе мужчыны як бы сваім стаўленнем паказваюць напрамак, у якім трэба працаваць над сабой. Яны прыходзяць, каб даць урок, выхаваць якасці, якія адсутнічаюць. Нас атачаюць тыя, каго мы сапраўды заслугоўваем на сённяшні дзень. Бо мужчына для жанчыны — гэта люстэрка, у якой выяўляюцца, усе жаноцкiя недасканаласці. Перш за ўсё ваш партнёр — паказчык вашай павагі і любові да сябе. І калі атрымалася так, што вы зараз вольныя, ці побач «не той», трэба падумаць: «Які мой стан і стаўленне да сябе прыцягвае падобных людзей»? Магчыма, надышоў час заняцца сабой, каб адпавядаць тым мужчынам, на якіх вы прэтэндуеце і хочаце бачыць побач.
Самаацэнка — гэта ўяўленне чалавека аб важнасці сваёй асобы. Калі добрых якасцяў мала — самаацэнка будзе нізкай. Калі шмат — самаацэнка высокая і адэкватная.
Навошта жанчыне высокая самаацэнка? Менавіта самаацэнка дзяўчыны вызначае якасць яе жыцця. Жанчыне неверагодна выгадна быць упэўненай у сабе. Бо ў плане жаноцкасці непахісная ўпэўненасць дзейнічае на мужчын магічна. Напрыклад, калі жанчына мае высокую самаацэнку, хлопец нават не дазволіць сабе павысіць на яе голас. Ён заўсёды будзе спакойна размаўляць і імкнуцца дамовіцца. З дзяўчынай, якая задаволена сабой мужчына з самага пачатку будуе адносіны толькі на яе ўмовах: сустракаецца толькі тады, калі гэта зручна ёй, вадзіць яе толькі туды, куды яна пажадае, адчыняе перад ёй дзверы, падае паліто. Да таго ж i секс ён гатовы чакаць столькі, колькі неабходна ёй. У iх пары iнтымная блізкасць здараецца толькі тады, калі яна сама гэтага захоча — і ні днём раней.
Важны момант: калі вы сапраўды жаноцкая — мужчына заўсёды будзе імкнуцца вырашаць вашыя праблемы, ды яшчэ з вялікай радасцю.
Чаму ўпэўненых жанчын атачаюць самыя лепшыя мужчыны? Таму што жанчына з высокай самаацэнкай здольная поўнасцю ўплываць на свайго мужчыну. Усiм сваім выглядам, поглядам, жэстамі яна дае зразумець — «Я жанчына тваёй мары!». Яна жыве сваiм жыццём i мае патрэбу рэалізоўваць сябе ў многіх напрамках. Імкнецца стаць прафесіяналам сваёй справы, ведае, як сябе паводзiць, як узмацніць свае добрыя якасці і схаваць недахопы — і, натуральна, гэтым карыстаецца, каб быць лепшай. Акрамя таго, яна добра ведае, чаго хоча ад жыцця, і можа лёгка пра гэта расказаць — і мужчынам безумоўна падабаецца такая пазiцыя. У вачах хлопца ўпэўненая жанчына заўсёды выглядае значна прывабней астатніх дам. Тут я маю на ўвазе не знешнасць, а жаночую харызму.
Дзяўчына з высокай самаацэнкай ніколі не пагодзіцца на нявыгадныя для яе прапановы.
Той, хто любіць і шануе сябе — будзе здавольвацца ў жыцці толькі самым лепшым. I нiяк iнакш.
І дарэчы, такая дзяўчына ніколі не баіцца страціць партнёра, бо ведае, што не застанецца адна. I нарэшце, калі яе не задавальняюць адносіны — яна лёгка з імі растанецца. І сапраўды не будзе доўга перажываць, бо ў такім разе ёсць магчымасць паўнавартасна і ў сваё задавальненне заняцца сваімі жаданнямі: перачытаць карысную літаратуру, развіць новыя здольнасці, папрацаваць над новай выявай.
Жадаеш падабацца іншым людзям — палюбі спачатку сабе!
Калі і як фармуецца меркаванне аб сабе? Як жанчына ўспрымае рэчаіснасць, крытыку ці кампліменты — усё гэта ўплывае на яе ўпэўненасць. А ўзровень самаацэнкі непазбежна ўплывае на паводзіны, учынкі, узаемаадносіны з блізкімі і навакольнымі. Менавiта наша меркаванне аб сабе фармуе самакрытычнасць, стаўленне да перамог і параз. Калі жанчына рэалізаваная ў сваёй прафесіі, дасягнула высокага прафесіяналізму, добра зарабляе, пры гэтым атрымлівае ўвагу з боку мужчын — у яе заўсёды будзе самаацэнка на высокім узроўні. I, наадварот, калі чалавек не расце як прафесіянал ці кідаецца ад аднаго занятку да іншага — у яго будзе нізкая самаацэнка.
Усе жыццёвыя няўдачы i крыўды на жыццё — гэта груз, які падрывае ўпэўненасць у сабе.
Нават не сумневайцеся: калі ў вас нізкі ўзровень самаацэнкі — побач з вамi будзе мужчына з такім жа нізкім узроўнем адказнасці.
Прычыны па якiх вы не ўпэўнены сабе?
Ваша самаацэнка на нулі таму, што вы не жывяце сваім жыццём, значыць, вы жывяце чужым.
Жанчына павінна шанаваць не самога мужчыну, — а непасрэдна яго стаўленне да яе.
Наш унутраны стан прыцягвае адпаведных мужчын. Таму, калі вы не задаволены сабой, адчуваеце смутак, дэпрэсію, то і прыцягнеце такіх жа людзей, — прыгнечаных, пасіўных і негатыўных. Усё вельмі проста! Якую энергію вы выпраменьваеце, то зваротна і атрымліваеце. Працуйце над сабой і сваім станам — зменіцца і свет вакол вас, і хлопцы будуць больш клапатлівыя.
Псіхолаг Алена ШАЎЧЭНКА
Фота: рexels.com
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
