Радзькоў прэзентаваў у штаб-кватэры ФПБ сваю кнігу «Рэктары»

Аляксандр Радзькоў прэзентаваў у штаб-кватэры ФПБ сваю кнігу «Рэктары», паведамляецца на сайце федэрацыі.

У кнізе – апавяданні аб рэктарах беларускіх універсітэтаў, іх характарах, асаблівасцях, захапленнях, стылях і метадах кіравання ВНУ.

Нядзіўна, што месцам для прэзентацыі кнігі стала штаб-кватэра нацыянальнага прафцэнтра. Бо Аляксандр Радзькоў – у мінулым міністр адукацыі, з прафсаюзамі яго звязвае даўняе сяброўства на чале ведамства як сацыяльных партнёраў.

— Рэктары – гэта дзяржаўныя людзі, яны адказваюць за назапашванне ведаў, перш за ўсё навуковых, за іх перадачу наступным пакаленням, – адзначыў Аляксандр Радзькоў. — У кнізе падымаецца тэма ўзаемадзеяння з людзьмі, пытанні выхавання, палітыкі, ідэалогіі, станаўлення дзяржавы. Я ўпэўнены, што прафсаюзным лідарам гэта будзе цікава і карысна.

Кніга «Рэктары» стала чацвёртай у пісьменніцкай кар’еры Аляксандра Радзькова. Да гэтага былі выдадзены «Дыскрэтны падыход да назірання жыцця» (апавяданні аб вучобе і працы ва ўніверсітэце, службе ў арміі і на дзяржаўных пасадах, гутаркі з вядомымі палітыкамі, навукоўцамі, пісьменнікамі, артыстамі і спартсменамі), «Мой фізмат» (аб універсітэце і калегах) і «Маленькія гісторыі вялікай сям’і».

Нагадаем, што, пачынаючы з сакавіка, па пятніцам на сайце Выдавецкага дома «Звязда» друкуюцца ўрыўкі з кнігі Аляксандра Радзькова «Рэктары». 

Фота Сцяпана Цюшкевіча