Раніцай, прыйшоўшы на працу ў краму, прадавец выявіла пранікненне і крадзеж: уваходныя дзверы былі адчыненыя, рашотка знятая з завес, а ў касе бракавала 900 рублёў. Аб інцыдэнце работніца адразу ж паведаміла ў міліцыю. На месца здарэння ў аграгарадок Аляхновічы Маладзечанскага раёна неадкладна прыбыла следча-аператыўная група.
Супрацоўнікі крымінальнага вышуку пачалі адпрацоўваць мясцовае насельніцтва, у першую чаргу, раней судзімых жыхароў аграгарадка — і выйшлі на след меркаванага злачынца. Ім аказаўся 23-гадовы беспрацоўны сельскі жыхар, які ўжо меў вопыт крадзяжоў.
Аператыўнікі хутка ўстанавілі месцазнаходжанне мужчыны і затрымалі яго на чыгуначным вакзале ў Маладзечне. Падазраваны прызнаўся ў зробленым, расказаў, як усё было, і паказаў месца сховішча выкрадзенага тавару.
Як паведамляе падрабязнасці здарэння група інфармацыі і грамадскіх сувязяў Маладзечанскага РАУС, аказалася, у мужчыны саспеў план, дзе ўзяць грошай. Каля апаўночы ён пачаў дзейнічаць: вырваў уваходныя дзверы, зняў рашотку з завес і пракраўся ў памяшканне крамы. Каб не пакідаць слядоў, на «справу» пайшоў у пальчатках. Вясковец забраў з касы наяўнымі 900 рублёў, а заадно прыхапіў біжутэрыю, камплекты пасцельнай бялізны і адзенне. Тавар ён схаваў у сваім двары, а на скрадзеныя грошы ноччу паехаў гуляць у залу гульнявых аўтаматаў у Маладзечне.
Частка выкрадзеных грошай і тавар былі канфіскаваны. Агульны ўрон склаў каля 1,5 тысячы рублёў.
Дзеянням мужчыны следчыя далі прававую ацэнку і распачалі крымінальную справу.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
