Ці ведалі вы, што ў адным месцы можна сваімі вачыма ўбачыць, як працуюць вядомыя беларускія скульптары, керамісты і мастакі? Зазірнуць ў святая святых — у майстэрні, пагутарыць з творцамі і нават папіць з імі чай?
Мы пайшлі ў разведку і наведалі творчыя майстэрні ГА «Беларускага саюза мастакоў» разам з Нацыянальным агенцтвам па турызме, якое праводзіць цыкл інфармацыйных сустрэч па пытаннях развіцця арт-турызму.
«Арт-турызм — гэта заўсёды жыва і цікава, — каментуе Ганна Вашчынчук, начальнік аддзела якасці і вучэбна-аналітычнай работы Нацыянальнага агенцтва па турызме. — Мастак раскажа пра свае творы лепш, чым хто іншы. Акрамя таго, праз гэта мы прэзентуем сваю краіну, яе культуру».
І сапраўды, нават самы лепшы гід не зможа стварыць цэласнага ўражання аб творцы і яго асабістым светапоглядзе. У межах гэтага мерапрыемства нам давялося пабываць у майстэрнях Аляксандра Шапо, Ігара Гардзіенкі, Таццяны Курачыцкай, Каміля Камала, а таксама ў доме графікі і швейна-вышывальным цэху.
«Мастацкі камбінат», размешчаны па адрасе Некрасава, 11. Зараз ён гатовы расчыніць свае дзверы перад усімі жадаючымі. Для гэтага неабходна папярэдне звязацца з дырэктарам Юліяй Анацкай, альбо з Нацыянальным агенцтвам па турызме. Для групы з 10-15 чалавек кошт складзе 20 руб. з чалавека.
Лізавета ГОЛАД
Фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
