Вы тут

Беларускі Іўе і расійскі Мінусінск падпісалі ў Гродне пагадненне


Беларускі горад Іўе і расійскі Мінусінск 30 чэрвеня ў Гродне ў рамках ІХ Форума рэгіёнаў Беларусі і Расіі падпісалі Пагадненне аб супрацоўніцтве.


Іўе і Мінусінск маюць добрыя напрацоўкі ў сельскагаспадарчай вытворчасці, у прыватнасці, вырошчванні памідораў. Абодвы гарады па праву заваявалі статус памідорных сталіц у сваіх краінах. 

Менавіта на гэты фактар звярнуў увагу падчас падпісання дакумента кіраўнік Мінусінска Андрэй Пярвухін. Ён зазначыў, што горад — сталіца паўдневай тэрыторыі Краснаярскага края, аграпрамысловы рэгіен, з вялікім аб’емам перапрацоўкі. Гэтаму спрыяюць даволі ўнікальныя кліматычныя ўмовы — больш за 250 сонечных дзён у годзе. Асабліва значных дасягненняў горад набыў у вырошчванні памідораў, якія прызнаны рэкардсменамі ў Расіі. Памідор-гігант вагой 2 кг 260 грам занесены ў расійскую Кнігу рэкордаў Гінэса. Дарэчы, вырас ён у адкрытым грунце. 

— Паколькі горад Іўе Гродзенскай вобласці таксама лічыцца памідорнай сталіцай сваёй краіны, гэта нас і аб’яднала. Знайшлі мы адзін аднаго у Інтэрнэце. Завязалася перапіска, мы ўбачылі, што ёсць шырокія перспектывы для супрацоўніцтва. Напрыклад, мы можам падзяліцца насеннем, магчыма, і тут у хуткім часе з’явяцца такія памідоры-гіганты, — зазначыў Андрэй Пярвухін.

На яго думку, у абодвух гарадоў шмат агульных інтарэсаў. Гэта і тэхнічнае абсталяванне, і тэхналогіі вырошчвання гародніны, і абмен кваліфікаванымі спецыялістамі. 

«Памідорная» тэма — гэта толькі пачатак супрацоўніцтва, лічыць старшыня Іўеўскага райвыканкама Ігар Генец. Між тым раён таксама мае пэўныя напрацоўкі ў гэтым кірунку. Менавіта тут вырас самы вялікі ў Беларусі памідор, вагой амаль паўтара кілаграма. Некалькі год запар тут праходзіць папулярнае свята Дзень памідора. Сёлета яно адбудзецца 19 жніўня. Дарэчы, такі ж фестываль стаў традыцыйным і ў Мінусінску. 

— Вельмі важна, што мы знайшлі адзін аднаго, хаця нас раздзяляюць тысячы кіламетраў. Але гэта не стане перашкодай для супрацоўніцтва. З такіх кантактаў і складаецца будучыня нашых дзяржаў, — падкрэсліў падчас сустрэчы Ігар Генец. 

Абодвы бакі бачаць сваё супрацоўніцтва ў больш шырокім аспекце. Гэта не толькі эканоміка, але і культурныя, спартыўныя сувязі. Мэр Мінусінска паведаміў, што ў наступным годзе горад будзе адзначаць 200-годдзе і запрасіў сваіх новых сяброў-пабрацімаў на свята. 

Маргарыта УШКЕВІЧ

Фота аўтара

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.