Супрацоўнікамі аддзела па наркакантролі і супрацьдзеянні гандлю людзьмі Рэчыцкага РАУС быў затрыманы 36-гадовы мясцовы жыхар. Мужчына аказаўся датычны да незаконнага абароту наркотыкаў расліннага паходжання.
Як паведамляе аддзяленне інфармацыі і грамадскіх сувязяў УУС Гомельскага аблвыканкама, міліцыянеры ў ходзе правядзення аператыўна-вышуковых мерапрыемстваў выйшлі на грамадзяніна, у кватэры якога было знойдзена і канфіскавана больш за 36 грамаў небяспечнага наркатычнага сродку, які па заключэнні эксперта з’яўляецца марыхуанай. Таксама знайшлі абсталяванне для вырошчвання нарказмяшчальнай расліны. Пасля было ўстаноўлена, што грамадзянін у падвале шматпавярхоўкі абсталяваў памяшканне, прыстасаванае для вырошчвання канопляў.
Падчас правядзення аглядаў супрацоўнікі міліцыі канфіскавалі два прыстасаванні для курэння ў выглядзе трубкі і палімернай ёмістасці, два скруткі з расліннай масай, драўляную шафку, абсталяваную святлодыёднай лямпай з электронным таймерам, слоік з верхнімі часткамі сцеблаў канопляў, вядро з раслінамі з угнаеннямі.
Мужчына прызнаўся, што займаўся вырошчваннем марыхуаны для ўласнага ўжывання. Разам з тым устанаўліваецца яго датычнасць да рэалізацыі наркотыку расліннага паходжання іншым асобам.
Па гэтым факце заведзена крымінальная справа. Жыхар райцэнтра затрыманы.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».