Для кожнага маладога спецыяліста неабходна распрацаваць дарожную карту адаптацыі і замацавання на працоўным месцы. Аб гэтым заявіў міністр адукацыі Андрэй Іванец на пасяджэнні калегіі Мінадукацыі «Аб рэалізацыі дзяржаўнай маладзёжнай палітыкі ў Беларусі», паведамляе БелТА.
«Для вырашэння пытання замацавання маладых спецыялістаў неабходна забяспечыць індывідуальны падыход да такіх работнікаў, наймальніку варта распрацаваць пад кожнага дарожную карту яго адаптацыі і замацавання, прадугледзець дадатковыя стымулюючыя метады», — сказаў міністр.
Андрэй Іванец адзначыў, што забяспечанасць жыллём — адно з сістэмных пытанняў для замацавання маладых спецыялістаў на працоўных месцах, другое — гэта заработная плата. «Калі мы не будзем бачыць гэтых маладых людзей, імі займацца, яны замацоўвацца не будуць. Усеагульнага падыходу, рэцэпту не існуе», — падкрэсліў ён.
У Міністэрстве адукацыі прайшло пасяджэнне калегіі «Аб рэалізацыі дзяржаўнай маладзёжнай палітыкі ў Беларусі». На парадку дня былі пытанні, якія тычацца сістэмы падбору кадраў па працы з моладдзю на прадпрыемствах і сакратароў першасных арганізацый БРСМ, укаранення новых фарматаў інфармацыйна-тлумачальнай працы з моладдзю па актуальных пытаннях грамадска-палітычнага развіцця краіны, а таксама арганізацыі працы з моладзевай аўдыторыяй і інфармацыйнага проціборства ў Інтэрнэце.
Прэв’ю: БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
