Пакінуць свой голас за ўпадабаную маламетражку можа любы падпісчык у афіцыйнай групе Беларускага рэспубліканскага саюза моладзі месенджара Telegram БРСМ.
Фінал традыцыйнага конкурсу маладых сем’яў адбудзецца 8-9 ліпеня ў рамках афіцыйнай праграмы рэспубліканскага свята «Купалле». Яна пройдзе ў трох лакацыях — горадзе Горкі, аграгарадку Горы (Горацкі раён) і непасрэдна ў аграгарадку Александрыя (Шклоўскі раён).
Праграма рэспубліканскага фіналу насычана не толькі конкурснымі іспытамі, але і майстар-класамі па дойцы кароў, верхавой яздзе, а таксама экскурсіямі ў Александрыйскую сярэднюю школу, Батанічны сад, на Трафімаву крыніцу, вучэбна-выставачны цэнтр сельскагаспадарчай тэхнікі БДСГА. Адно з самых важных мерапрыемстваў праекта ў Год гістарычнай памяці — ускладанне кветак да мемарыяла «Смуткуючая маці».
Ключавы дзень конкурсных іспытаў — 8 ліпеня. Усіх жыхароў і гасцей Горак запрашаюць у гарадскі дзіцячы парк, дзе адбудзецца святочнае адкрыццё, а таксама разгорнуцца конкурсы «Дранікі на калодзе», «Па дровы», «Камічная эстафета», «Сельскія саленні» і адбудзецца конкурс караваяў «Хлеб — усяму галава!». Затым на тэрыторыі аграгарадка Горы з выкарыстаннем ручной касы і тачыльнага бруска ўдзельнікі фіналу на хуткасць і якасць пакосяць пэўную пляцоўку (конкурс «Касцы») і паспаборнічаюць у стварэнні самых арыгінальных «Купальскіх вянкоў».
9 ліпеня госці свята «Купалле» змогуць пазнаёміцца з падворкамі сем’яў, пазмагацца ў чэмпіянаце Александрыі па хуткаснай зборцы спілс-карт Беларусі, пабываць на ўрачыстай цырымоніі ўзнагароджання пераможцаў рэспубліканскага конкурсу «Уладар вёскі 2022».
Сяргей РАСОЛЬКА
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
