Падчас нясення службы супрацоўнікі ДАІ Жодзіна заўважылі матацыкліста, які рухаўся з пасажырам без ахоўных шлемаў. Яны падалі адпаведны сігнал аб спыненні, на што кіроўца ніяк не адрэагаваў і працягнуў рух.
Як паведамляе Жодзінскі ГАУС, у вёсцы Барсукі Смалявіцкага раёна на першым жа павароце матацыкліст не справіўся з кіраваннем і ўпаў разам з пасажырам. Кінуўшы матацыкл, кіроўца і пасажыр кінуліся ўцякаць. Інспектару ДПС удалося затрымаць мотааматара.
Высветлілася, што кіроўца — 18-гадовы жыхар Смалявіцкага раёна. Ён быў цвярозы, але не меў права кіравання матацыклам. У выніку ў дачыненні да маладога чалавека складзены пратаколы за кіраванне без права кіравання, без шлема і неспыненне.
Сяргей РАСОЛЬКА
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
