Урад гатовы падтрымаць рэалізацыю імпартазамяшчальных праектаў праз прывабныя крэдытныя інструменты. Пра гэта заявіў прэм’ер-міністр Беларусі Раман Галоўчанка ў накіраваным удзельнікам рэспубліканскага конкурсу «Лепшы экспарцёр 2021 года» віншаванні, паведамляе БелТА.
Кіраўнік беларускага ўрада звярнуў увагу на няпростыя ўмовы, у якіх цяпер даводзіцца працаваць экспарцёрам. Гэта і сур’ёзныя санкцыйныя абмежаванні, і беспрэцэдэнтны ціск з боку недружалюбных дзяржаў. Такія выклікі прымушаюць шукаць новыя шляхі развіцця і пераадолення перашкод, альтэрнатыўныя рынкі і аптымальныя лагістычныя схемы.
«Галоўнае — не спыняцца, знаходзіць новых партнёраў на рынках дзяржаў-удзельніц ЕАЭС, КНР і іншых дружалюбных краін ва ўмовах фундаментальнай перабудовы знешнеэканамічных сувязяў. Найважнейшай задачай таксама з’яўляецца рацыянальнае імпартазамяшчэнне. Урад гатовы падтрымаць рэалізацыю адпаведных праектаў, у тым ліку праз прывабныя крэдытныя інструменты», — адзначыў Раман Галоўчанка.
Урад таксама разлічвае на патэнцыял удзельнікаў конкурсу, прафесіяналізм, адказнасць, наватарскі падыход і ўменне ісці ў нагу з часам. «Вынікі конкурсу з’яўляюцца яркім сведчаннем таго, што ў Беларусі працуюць паспяховыя кампаніі, якія вырабляюць высокаканкурэнтную прадукцыю, аказваюць запатрабаваныя паслугі, годна прадстаўляючы нашу краіну на міжнароднай арэне. Нягледзячы на ўсе складанасці, у 2021 годзе забяспечаны значны рост экспарту і рэкорднае станоўчае сальда знешняга гандлю. Безумоўна, шмат у чым гэта вынік плённай працы ўсіх арыентаваных на замежныя рынкі беларускіх кампаній», — падкрэсліў прэм’ер-міністр.
Прэв’ю: БелТА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
