У Мінску 29 верасня прайшоў гарадскі форум педагагічных работнікаў «Сталічная адукацыя: пункты росту і стратэгіі развіцця». Мэтай сустрэчы стала абмеркаванне прыярытэтных напрамкаў развіцця адукацыйнай сферы. Таксама ўдзельнікі форуму закранулі пытанні інклюзіўнасці ў адукацыйным працэсе, прааналізавалі работу сталічнай сістэмы адукацыі і паставілі задачы на новы навучальны год. Падчас мерапрыемства Старшыня Савета Рэспублікі Наталля Качанава звярнула ўвагу на неабходнасць індывідуалізацыі падыходаў да выхавання і навучання дзіцяці.
— Кіраўнік дзяржавы заўсёды гаварыў аб неўласцівых функцыях педагогаў, аб тым, што мы сёння павінны разгрузіць настаўніка і даць яму магчымасць займацца індывідуалізацыяй падыходаў да выхавання і навучання дзіцяці. Работа педагога павінна быць накіравана на работу з вучнем. Няма ненавучаемых, але каб дзеці развіваліся, з імі трэба працаваць індывідуальна, — падкрэсліла спікер верхняй палаты беларускага парламента.
Старшыня Савета Рэспублікі акцэнтавала, што сістэма адукацыі з'яўляецца прыярытэтным напрамкам дзяржаўнай сацыяльнай палітыкі, бо гэта будучыня краіны.
— Выхаванне падрастаючага пакалення, чалавека — патрыёта сваёй краіны асабліва актуальнае ў Год гістарычнай памяці. У няпростых умовах сучаснага свету, дзе ў цяперашні момант адбываецца геапалітычны падзел, мы павінны разумець, што толькі сапраўды адданыя сваёй краіне, свайму народу людзі могуць рабіць так, каб краіна развівалася і ў яе была будучыня. Таму на плечы педагогаў ускладзена сур'ёзная адказнасць па выхаванні падрастаючага пакалення, — сказала яна.
Таксама спікер звярнулася да пытанняў інклюзіўнай адукацыі. Наталля Качанава распавяла, што ў Савеце Рэспублікі будзе створаны спецыяльны савет, які будзе займацца каардынацыяй работы міністэрстваў адукацыі, аховы здароўя, працы і сацыяльнай абароны.
— Дзеці з фізічнымі і псіхалагічнымі асаблівасцямі — гэта нашы дзеці і яны павінны вучыцца разам. Педагогі нашых устаноў павінны ўмець працаваць з дзецьмі, у якіх ёсць інваліднасць, — рэзюмавала Старшыня Савета Рэспублікі.
У сваю чаргу, міністр адукацыі Андрэй Іванец засяродзіў увагу на тым, што Міністэрства адукацыі разам з Камітэтам па адукацыі Мінгарвыканкама і галоўнымі ўпраўленнямі па адукацыі абласцей вядзе мэтанакіраваную работу, каб выпускнікі беларускіх навучальных устаноў увайшлі ў эканоміку краіны.
— Сёння мы кажам аб тым, што сістэма адукацыі — гэта падрыхтоўка кадраў для ўсёй краіны. Аснова нашай моцнай эканомікі — моцныя рэгіёны. У сувязі з гэтым Мінск займае асаблівае месца. Таму што гэта сталіца, гэта адзін з самых вялікіх кантынгентаў, якія вучацца і на ўзроўні ўстаноў дашкольнай адукацыі, і агульнай сярэдняй адукацыі, ну і, вядома, гэта Мекка студэнтаў, — адзначыў міністр.
Арына КАРПОВІЧ
Фота БелТА
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
