АВЕН. На гэтым тыдні вы будзеце проста геніем зносін. Станеце непараўнальным суразмоўцам — уважлівым і добразычлівым, можаце расказаць шмат цікавага, чым прыцягнеце да сябе людзей. На гэтым фоне не будзьце залішне прынцыповыя, каб не сапсаваць сабе і іншым настрой. Не варта пачынаць зараз пабудову глабальных планаў, лепш спыніцца на невялікіх, але тых, што хутка рэалізуюцца.
ЦЯЛЕЦ. Пажадана на гэтым тыдні не займацца самакапаннем, каб не расчаравацца вынікам. Верце ў сябе. Калі не вы, дык хто ж тады? Вам спатрэбяцца такія якасці, як засяроджанасць і рашучасць. У чацвер лепш не пачынаць важных размоў, часам можна абысціся абмеркаваннем надвор'я і прыроды. Неафіцыйныя сустрэчы ў суботу дазволяць атрымаць новыя магчымасці.
БЛІЗНЯТЫ. Засяродзьцеся на новай цікавай ідэі ці праекце і зможаце атрымаць задавальненне ад працы і хутка дамагчыся вызначаных мэт. Да вашых парад і інфармацыі, якую вы паведаміце калегам і начальству, будуць прыслухоўвацца. З арыгінальнымі метадамі ў дадзены момант лепш пачакаць ці варта выкарыстоўваць правераныя тэхналогіі. Суботні адпачынак у прыемным акружэнні дазволіць здабыць душэўную раўнавагу.
РАК. Не ўспрымайце тое, што адбываецца, занадта сур'ёзна. І гэта хутка пройдзе. Падумайце пра планы на будучыню. На працы ўсё будзе добра, нават верагодныя павышэнне па службе ці прэмія. У асабістым жыцці не перашкодзіць разнастайнасць. Руціна — вораг рамантыкі. Найбольш спрыяльным днём для вас будзе пятніца.
ЛЕЎ. Справы на працы складуцца як найлепш. Сябры і партнёры будуць падзяляць з вамі радасці і памылкі. Удзяліце дзецям увагу, бо ім трэба нанава прывыкаць да школы. Наведванне клубаў, выставак і кіно вас узбадзёрыць і надоўга запомніцца. Сяброўская сустрэча, якую арганізуеце ў канцы тыдня, будзе вясёлай і арыгінальнай.
ДЗЕВА. Час забыцца пра мінулае лета і цалкам уключыцца ў працоўны рытм. Не тое, каб поспех ад вас адвярнуўся, проста зараз яго ўсмешак давядзецца дамагацца працай. У аўторак не рабіце хуткіх высноў, асабліва на аснове плётак. У гэты дзень вы можаце быць уцягнуты ў службовы канфлікт. У суботу давядзецца займацца гаспадарчымі пакупкамі ці прыборкай кватэры.
ШАЛІ. Можа спатрэбіцца дапамога сваякоў, не саромейцеся папрасіць пра яе. Тыдзень будзе вельмі спрыяльны для вырашэння набалелых пытанняў і запушчаных праблем. Прыслухайцеся да голасу інтуіцыі, і зразумееце, як неабходна дзейнічаць у той ці іншай сітуацыі. Даўні сябар можа даць вам каштоўную параду.
СКАРПІЁН. На гэтым тыдні адчуеце смак да адпачынку і забаў. Арганізуйце спатканне або рамантычнае падарожжа. У сярэдзіне тыдня, пераадольваючы ціск абставінаў, вы даможацеся змен і поспехаў адразу па некалькіх кірунках. У выхадныя дні зносіны з сябрамі пойдуць вам на карысць і ў эмацыянальным і ў фінансавым аспекце.
СТРАЛЕЦ. У пачатку тыдня будзе няпроста настроіцца на працоўны лад, аднак гэта неабходна. Пятніца акажацца адным з самых выдатных дзён тыдня. Яна тоіць шмат прыемных сюрпрызаў, выкананне запаветных жаданняў. Але вам для гэтага давядзецца прадбачыць жаданні блізкіх і па магчымасці іх рэалізаваць.
КАЗЯРОГ. У першай палове тыдня можа цягнуць на неабдуманыя ўчынкі. Пастарайцеся ўсё ж пазбегнуць рызыкі, яна не апраўдае вашых душэўных і матэрыяльных затрат. Сярэдзіна тыдня абяцае прынесці змены, як у настроі, так і ў фінансавым становішчы. У асабістым жыцці ўсе рашэнні трэба прымаць самастойна. У пятніцу паступіць выгадная дзелавая прапанова, якую не варта выпускаць. У нядзелю арганізуйце сабе маленькае свята, у гэты дзень зможаце павесяліцца ад душы.
ВАДАЛІЎ. Пажадана не перанапружвацца, а даць магчымасць падзеям ісці сваёй чарадой. У аўторак лепш не гаварыць адкрыта ні з кім, нават блізкія наўрад ці змогуць вас зразумець. У чацвер будуць удалымі дзелавыя паездкі і камандзіроўкі. У гэты дзень рэальна ўвасобіць у жыццё вашы далёкія планы, не згубіце гэты залаты час. Другая палова тыдня будзе больш плённай. Але ў нядзелю вашы ідэі не вельмі спадабаюцца блізкім.
РЫБЫ. Тыдзень прынясе знаёмствы з цікавымі людзьмі. Працы назапасілася вельмі шмат, і вы, як заўсёды, незаменныя, таму з адпачынкам давядзецца крыху пачакаць. Будзьце ўважлівыя да сямейных праблем, інакш сварак не пазбегнуць. Трымайце ўсе справы пад кантролем, тады сітуацыя вырашыцца на вашу карысць.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.