12 лістапада на «Беларусь 3» — чарговая прэм'ера: канцэрт Нацыянальнага акадэмічнага народнага аркестра Рэспублікі Беларусь імя І. Жыновіча «Мой родны кут» да 140-годдзя Коласа і Купалы, які быў зняты ў Белдзяржфілармоніі.
У праграме, прысвечанай знакамітым класікам беларускай літаратуры, сабраны творы Аляксея Туранкова, Ігара Лучанка, Уладзіміра Мулявіна, Алега Молчана, Валерыя Іванова, Алены Атрашкевіч і іншых вядомых айчынных кампазітараў, што знайшлі натхненне ў тэкстах Якуба Коласа і Янкі Купалы. Інструментальная музыка, папулярныя песні, харавыя рамансы, апрацоўкі беларускіх народных мелодый — кожнае сачыненне, адабранае для праграмы, яскрава дэманструе вобразы высокай паэзіі песняроў і прыгажосць беларускага фальклору. Прагучаць яны ў выкананні Нацыянальнага акадэмічнага народнага аркестра Рэспублікі Беларусь імя І. Жыновіча і Дзяржаўнага камернага хору Рэспублікі Беларусь. Дырыжоры — заслужаныя артысты Беларусі Наталля Міхайлава і Аляксандр Крамко. Сярод салістаў аркестра і хору пачуем Андрэя Коласава, Ігара Задарожнага, Анастасію Рачыцкую, Вераніку Чарняўскую, Арыну Аляксееву і Кацярыну Крашчук, які выканаюць вядомыя песні на вершы Коласа і Купалы.
Не прапусціце тэлеверсію канцэрта ў суботу на сацыякультурным у вячэрнім эфіры.
Алена ДРАПКО
Прэв’ю: pexels.com
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
