Пяшчотная сустрэча адных з самых адданых сваім гаспадарам чатырохлапых гадаванцаў адбылася з Мінску.
Арганізатары прапанавалі прыйсці і паўдзельнічаць у рэспубліканскай выставе «Good Dog» і яе спаборніцтвах мінчанам і гасцям сталіцы з самымі разнастайнымі пародамі сабак. Дзякуючы гэтаму мерапрыемства ператварылася ў вялізную сабакаводчую тусоўку, дзе часам не хапала прасторы і святла, каб сябры чалавека і іх уладальнікі маглі нават размінуцца, ці ўбачыць адзін аднаго.
Тым не менш, увогуле фэст «Good Dog» атрымаўся цікавы і душэўны. Акрамя прыняцця ўдзелу ў конкурсах кожны жадаючы змог патрэніраваць свайго гадаванца ў дрэсіроўцы, паглядзець выступы прафесіаналаў і чэмпіянат Беларусі па аджыліці, паказаць, чаму яго сабака ужо навучыўся, набыць ежу і усё неабходнае для свайго гадаванца, ці проста пазнаёміць яго з сябрамі сваёй і іншых парод, а таксама самому знайсці аднадумцаў па захапленню.
Аўтар: Аляксей СТАЛЯРОЎ
Фота аўтара
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
